ပြည်ခရိုင်၊ ပေါက်ခေါင်းမြို့နယ်ရှိ သဖန်းချိုအုပ်စု၊ လေးကြီးကျေးရွာတွင် ဂေါ်ဖီထုပ်များ စိုက်ပျိုးထားပါသည်။ ဂေါ်ဖီထုပ်ကို တပေါင်းလတွင် စတင်စိုက်ပျိုးပြီး ၂လအကြာတွင် ခူးယူရပါသည်။ ဂေါ်ဖီထုပ်ကို(၁)ဧက စိုက်ပျိုးလျှင် (၇)သိန်းခန့်ကုန်ကျပြီး စိုက်ပျိုးပင်ပေါင်းမှာ (၈၀၀၀) ခန့် စိုက်ပျိုးရကြောင်း သိရပါသည်။ ခုတ်ယူသည့်အပင်ပေါင်းမှာလည်း (၈၀၀၀)ခန့်ရှိကြောင်းသိရပြီး ၂၀၂၄ခုနှစ် မေလနောက်ဆုံးအပတ်တွင် ဂေါ်ဖီထုပ်တစ်ထုပ်လျှင် ရောင်းဈေးမှာ(၅၀၀)ကျပ်ဖြင့် ရောင်းရပြီး တစ်ဧကဝင်ငွေမှာ သိန်း(၄၀)ခန့်ရရှိကြောင်း သိရပါသည်။ တောင်သူအကျိုးအမြတ် အနေဖြင့် တစ်ဧကလျှင် ပျမ်းမျှသိန်း(၃၀)ခန့် ရရှိကြောင်းသိရပါသည်။ ပေါက်ခေါင်းမြို့နယ်မှ ထွက်ရှိသော ဂေါ်ဖီထုပ်များကို စိုက်ခင်းအထိဆင်း၍ ဝယ်ယူကြသလို နယ်များသို့လည်း တင်ပို့ရောင်းချကြောင်း သိရပါသည်။ နွေရာသီတွင်စိုက်ပျိုးသော ဂေါ်ဖီထုပ်ဖြစ်၍ ရေလောင်းစိုက်ပျိုးရပါသည်။ ဂေါ်ဖီထုပ်(၁) ဧက စိုက်ပျိုးလျှင် တောင်သူအကျိုးအမြတ်မှာ သိန်း(၃၀)ခန့်ရရှိသဖြင့် စိုက်ပျိုးသင့်သော ဟင်းသီးဟင်းရွက်တစ်မျိုးဖြစ်ပါသည်။
DOCA(ပဲခူး)