(၂၇.၅.၂၀၂၄)ရက်နေ့နံနက် (၁၀:၀၀)နာရီတွင် ပဲခူးတိုင်းဒေသကြီး နတ်တလင်းခရိုင် စားသုံးသူရေးရာဦးစီးဌာန၌ နတ်တလင်းခရိုင် ဆီလုပ်ငန်းရှင်များအသင်းနှင့် ဆီကုန်သည်များအား စားသုံးသူရေးရာဦးစီးဌာန ခရိုင်တာဝန်ခံ ဦးခင်မောင်ထွန်းမှ အသိပညာပေး ဆွေးနွေးမှုများ ပြုလုပ်ခဲ့ပါသည်။
ထိုသို့ဆွေးနွေးရာတွင် စီးပွားရေးလုပ်ငန်းရှင်များ လိုက်နာရမည့် တာဝန်များနှင့် ကုန်အညွှန်းအမှတ်အသား ပြည့်စုံမှုမရှိသော ကုန်စည်များအား တင်သွင်းရောင်းချခြင်းမပြုရန် မြန်မာနိုင်ငံ စားသုံးသူကာကွယ်ရေးကော်မရှင် ညွှန်ကြားချက်အမှတ် (၂/၂၀၁၉)နှင့် (၁/၂၀၂၁)ပါ ညွှန်ကြားချက်များကို လိုက်နာဆောင်ရွက်ရမည့်အပြင် မြန်မာနိုင်ငံ အစားအသောက်နှင့် ဆေးဝါးအာဏာပိုင်အဖွဲ့က ထုတ်ပြန်ထားသည့် ဟင်းသီးဟင်းရွက်ဆီများကို ရောနှောဆီ (Blended Oil)အဖြစ် ရောစပ်ရာတွင် အရည်အသွေးအာမခံချက်နှင့် အမှတ်တံဆိပ်ကပ်ခြင်းဆိုင်ရာ သတ်မှတ် ထားသည့်အမိန့်အမှတ် (၂/၂၀၂၄)ကို လိုက်နာဆောင်ရွက်သွားမည်ဖြစ်ကြောင်းနှင့် လိုက်နာ ဆောင်ရွက်မှုမရှိပါက သက်ဆိုင်ရာဥပဒေများနှင့် အရေးယူဆောင်ရွက်သွားမည်ဖြစ်ကြောင်း ဆီလုပ်ငန်းရှင်များနှင့် ဆီကုန်သည်များအား အသိပေးဆွေးနွေးခဲ့ကြောင်း သိရှိခဲ့ရပါသည်။
DOCA(ပဲခူး)