၂၀၂၄ခုနှစ်၊ မေလ၂၃ရက်နေ့မှ ဇွန်လ၂ရက်နေ့အထိ ကျောင်းအပ်နှံရေးသတင်းပတ်အဖြစ် ကြေငြာထားပြီးဖြစ်သဖြင့် ပဲခူးမြို့ပေါ်ရှိ အဝတ်အထည်ဆိုင်များ၊ စတိုးဆိုင်များနှင့်စာရေးကိရိယာဆိုင်များတွင် ကျောင်းသုံးပစ္စည်းနှင့်အဝတ်အထည်များ၊ ကျောင်းစိမ်းအင်္ကျီ(အဖြူ၊အစိမ်း)များမှာ ယခင်နှစ်ထက် ပို၍အရောင်းအဝယ်သွက်လျက်ရှိကြောင်းသိရသည်။ ယခုအခါသည် မိုးဦးကာလစတင်သည့်အချိန်ဖြစ်၍ ထီး၊ မိုးကာ၊ ဖိနပ်စသည့်ပစ္စည်းများလည်း ယခင်နှစ်ကထက် ပိုမိုအရောင်းအဝယ်သွက်ကြောင်း သိရှိရပါသည်။
ကျောင်းစိမ်းအင်္ကျီ (ကျားဝတ်)တစ်ထည်လျှင်(၁၂၀၀၀)ကျပ်၊ (မဝတ်)တစ်ထည်လျှင်(၈၀၀၀)ကျပ်၊ ပုဆိုး (အကြမ်း)တစ်ထည်လျှင်(၉၀၀၀)ကျပ်ခန့်၊ (အချော)တစ်ထည်လျှင်(၁၆၀၀၀)ခန့်၊ထဘီတစ်ကွင်း(အကြမ်း)တစ်ထည်လျှင်(၉၀၀၀)ကျပ်ခန့်၊(အချော)တစ်ထည်လျှင်(၁၆၀၀၀)ကျပ်ခန့်၊ကလေးဝတ်စုံ (အကြမ်း)တစ်စုံလျှင် (၆၅၀၀)ကျပ်ခန့်၊ ကလေးဝတ်စုံ(အချော)တစ်စုံလျှင် (၈၅၀၀)ကျပ်ခန့်၊ စာအုပ်(ချော)တစ်ဒါဇင်လျှင်( ၆၃၀၀)ကျပ်၊ (အကြမ်း)တစ်ဒါဇင် (၃၈၀၀)ကျပ်ခန့်၊ ဘောပင်အချောင်း (၃၀)ပါ တစ်ဘူးလျှင် (၉၀၀၀)ကျပ်၊ ခဲတံတစ်ဒါဇင်လျှင် (၂၁၀၀)ကျပ်၊ ၁၂လက်မကော်ပေတံ တစ်ဒါဇင်လျှင်(၂၃၀၀)ကျပ်၊ ကွန်ပါဘူးတစ်ဘူးလျှင်(၃၅၀၀)ကျပ်နှင့်ထောင့်ဆူးပါကွန်ပါဘူး တစ်ဘူးလျှင် (၅၅၀၀)ကျပ်၊ ခဲသားဘောပင်တစ်ဒါဇင် (၆၈၀၀)ကျပ်တို့ဖြင့် ရောင်းချလျက်ရှိကာ ဝယ်ယူသူများပြားနေကြောင်း သိရှိရပါသည်။
DOCA(ပဲခူး)