မွန်ပြည်နယ်တွင် ပဲမျိုးစုံ စိုက်ပျိုးထွက်ရှိမှုနှင့် ဈေးနှုန်းမြင့်တက်လျက်ရှိမှု

    မွန်ပြည်နယ်အတွင်း ပဲစိုက်ဧကနှင့်အထွက်နှုန်းသည် ၂၀၂၃-၂၀၂၄ခုနှစ်တွင် ပဲစိုက်ပျိုး ဧက ၇၄၃၃၀ ဧက၊ ရိတ်သိမ်း ၇၄၃၃၀ ဧက၊ အထွက် ၁၁၉၀၄၃၈ တင်း ထွက်ရှိသည်။ ယခင်နှစ် ၂၀၂၂-၂၀၂၃ခုနှစ်တွင် ပဲစိုက်ပျိုးဧက ၆၇၃၄၆ ဧက၊ ရိတ်သိမ်း ၆၇၃၄၆ ဧက၊ အထွက် ၁၀၅၅၈၀၂ တင်းထွက်ရှိခဲ့သဖြင့် ယခင်နှစ်ထက်  ပဲစိုက်ပျိုးမြေ ဧက ၉၆၈၄ဧက ပိုမိုစိုက်ပျိုး၍ အထွက်နှုန်း ၁၃၄၆၃၆ တင်း ပိုမိုထွက်ရှိသည်။ ပဲမျိုးစုံ မြေပဲ၊ ပဲတီစိမ်း၊  မတ်ပဲ၊ ပဲလွမ်း၊ ဗိုလ်ကိတ်ပဲ၊ ပဲပုပ်ပဲ စသည့်ပဲမျိုးကို စိုက်ပျိုးကြသည်။

   မွန်ပြည်နယ်ဒေသထွက်ပဲမျိုးစုံ၏ ၂၀၂၄ ခုနှစ် ၊ ဇန်နဝါရီလမှ မေလအတွင်း ဖြစ်ပေါ်ခဲ့သောဈေးနှုန်း

     မွန်ပြည်နယ်၏ ပဲဈေးနှုန်းသည် ယခုနှစ်အတွင်းတွင် လအလိုက်ဖြစ်ပေါ်ခဲ့သော ဈေးနှုန်းများအရ  ဈေးနှုန်း အနိမ့်အမြင့် (အတက်အကျ) ဖြစ်ပေါ်ခဲ့သည်။ ထို့ကြောင့် မော်လမြိုင်မြို့ရှိ ပဲမျိုးစုံများ၏ ဈေးနှုန်းအခြေအနေမှာ  ၂၀၂၄ ခုနှစ်၊ မေလ (ပထမပတ်) အတွင်း ပဲတီစိမ်း(ရွှေဝါ) ၂၀ ပိဿာ (တစ်တင်း) ကျပ် ၇၀၀၀၀၊ ပဲတီစိမ်း၂၀ ပိဿာ (တစ်တင်း) ကျပ် ၆၁၀၀၀၊ မတ်ပဲ၂၀ ပိဿာ (တစ်တင်း) ကျပ် ၁၀၀၀၀၀၊ ပဲလွန်းဖြူ ၂၀ ပိဿာ(တစ်တင်း)ကျပ် ၆၃၀၀၀၊ ဘိုကိတ်၂၀ ပိဿာ (တစ်တင်း)ကျပ် ၇၀၀၀၀၊ ပဲပုပ်၂၀ပိဿာ(တစ်တင်း)ကျပ် ၆၀၀၀၀၊ မြေပဲ၂၀ ပိဿာ (တစ်တင်း) ကျပ် ၁၅၀၀၀၀  ဈေးနှုန်းဖြစ်ပေါ်ခဲ့သည်။

    ၎င်းလ၏ (စတုတ္တပတ်)အတွင်းတွင် ပဲဈေးနှုန်းမှာ ပဲတီစိမ်း(ရွှေဝါ) ၂၀ ပိဿာ (တစ်တင်း) ကျပ် ၇၂၀၀၀၊ ပဲတီစိမ်း၂၀ ပိဿာ (တစ်တင်း) ကျပ်၆၇၀၀၀၊ မတ်ပဲ၂၀ ပိဿာ (တစ်တင်း) ကျပ်၁၀၆၀၀၀၊ ပဲလွန်းဖြူ ၂၀ ပိဿာ(တစ်တင်း)ကျပ် ၆၆၀၀၀၊ ဘိုကိတ်၂၀ ပိဿာ (တစ်တင်း) ကျပ် ၇၀၀၀၀၊ ပဲပုပ်၂၀ပိဿာ(တစ်တင်း)ကျပ် ၆၈၀၀၀၊ မြေပဲ ၂၀ ပိဿာ (တစ်တင်း)ကျပ် ၁၄၂၀၀၀ ဖြစ်ပါသည်။ အဆိုပါ ပဲမျိုးစုံများမှာ (ပထမပတ်)နှင့် နှိုင်းယှဉ်ပါက စတုတ္တပတ်တွင် ပဲဈေးနှုန်း (တစ်တင်း)ဈေးနှုန်းအရ ၂၀၀၀ကျပ်မှ ၈၀၀၀ ကျပ် အတွင်းခန့် ဈေးနှုန်းမြင့်တက်ခဲ့ကြောင်း သိရသည်။  ပဲဈေးနှုန်းများသည် အပတ်စဉ် ပြောင်းလဲမှုရှိကြောင်း သိရှိရပါသည်။

DOCA(မွန်)