စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့ ၊ သစ်ရာမြိုင်ဈေးတွင် ကြက်တက်ရွက်ပြုတ်များ ပေါများစွာရောင်းချလျက်ရှိကြောင်းသိရှိရပါသည်။ ကြက်တက်ရွက်မှာ မိုးဦးကျစ မေလတွင် စတင်ပေါက်ရောက်လေ့ရှိသော အရွက်တစ်မျိုးဖြစ်ရာ တောထဲသို့ သွားရောက်ခူးယူကြပြီး ရရှိလာသောအရွက်များကို နာရီဝက်ခန့်ကြာအောင် ရေဖြင့်ပြုတ်၍ အလေးချိန်ဖြင့်သော်လည်းကောင်း၊ လက်တစ်ဆုပ်စာအလုံးလေးများလုံး၍သော်လည်းကောင်း ဈေးထဲ၌ ရောင်းချကြပါသည်။
ကြက်တက်ရွက်ကို စားသုံးခြင်းအားဖြင့် ဝမ်းသက်စေ၍ ဝမ်းချုပ်တတ်သူများ စားသုံးရန်သင့်ပါသည်။ ကြက်တက်ရွက်ပြုတ်ကို လက်ဖက်မစားရဲသူများနှင့် လဖက်မကြိုက်သူများမှာ သုပ်၍စားသုံးကြပါသည်။ ကြက်တက်ရွက်ပြုတ်ကို လက်ဖက်၊ ချင်းတို့နှင့်ရောနှောသုပ်စား၍သော်လည်းကောင်း၊ မြေပဲဆန်ထောင်းနှင့်တွဲဖက်၍သော်လည်းကောင်း၊ ဟင်းလျာအနေဖြင့်သော်လည်းကောင်း သုပ်စားနိုင်ပါသည်။
ရာသီစာ ကြက်တက်ရွက်ပြုတ်သည် လူကြိုက်များသော လက်ဖက်အစားထိုး စားစရာတစ်မျိုးဖြစ်ရာ ဈေးနှုန်းဈေးကွက်အနေဖြင့် ကြက်တက်ရွက်ပြုတ်တစ်ပိသာလျှင် (၂၅၀၀/၃၀၀၀)ကျပ်အထိပေါက်ဈေးရှိပြီး ကြက်တက်ရွက်ပြုတ် လက်တွင်းဆုပ်ရောင်းသော အဆုပ်တစ်လုံးလျှင် (၂၀၀)ကျပ်ဈေးနှုန်းဖြင့်ရောင်းချကြောင်း ကျွန်းလှမြို့ သစ်ရာမြိုင်ဈေးရှိ ကြက်တက်ရွက်ပြုတ်ရောင်းချသူတစ်ဦးထံမှသိရှိရပါသည်။
DOCA(စစ်ကိုင်း)