စစ်ကိုင်းတိုင်းဒေသကြီး၊ ကန့်ဘလူခရိုင်၌ သီးနှံစိုက်ပျိုးရေးလုပ်ငန်းများအပြင် မိသားစုတစ်နိုင်တစ်ပိုင် စိုက်ပျိုးရလွယ်ကူသည့်ကွမ်းများကိုလည်း စိုက်ပျိုးကြသည်။ ကွမ်းကို မိမိတို့ယာကွက်များတွင်လည်းကောင်း၊ နေအိမ်ခြံဝင်းများတွင်လည်းကောင်း စိုက်ပျိုးကြကြောင်း၊ ကွမ်းကို မြို့ပေါ်ရပ်ကွက်များမှလည်းကောင်း၊ ခရိုင်အတွင်းရှိကျေးရွာများမှလည်းကောင်း လာရောက်ရောင်းချကြောင်း သိရှိရပါသည်။
၂၀၂၄ ခုနှစ်၊ မေလ နောက်ဆုံးပတ်အတွင်းဖြစ်ပေါ်နေသော ကန့်ဘလူခရိုင်၏ကွမ်းဈေးနှုန်းမှာ ကွမ်းရှယ်တစ်ပိဿာလျှင် ၂၄၀၀၀ကျပ်၊ ပယ်ရှယ်တစ်ပိဿာလျှင် ၁၃၀၀၀ကျပ်မှ ၁၅၀၀၀ကျပ်၊ ခြံပယ်တစ်ပိဿာလျှင် ၈၀၀၀ကျပ်စသည်ဖြင့်ရောင်းချလျက်ရှိကြောင်း၊ ကွမ်းဝင်ရောက်မှုပေါ်မူတည်၍ ဈေးနှုန်းအပြောင်းအလဲရှိကြောင်း ကွမ်းရောင်းဝယ်ရေးလုပ်ငန်းရှင်ထံမှသိရှိရပါသည်။
DOCA(စစ်ကိုင်း)