![](http://www.doca.gov.mm/sites/default/files/styles/consumer_inner_image__847x424_/public/7_25.jpg?itok=JuaBYrvf)
တောင်ငူမြို့ ညောင်ပင်ဈေးတွင် ရာသီပေါ်ခဝဲသီးများဈေးကောင်းရနေပါသည်။ တောင်ငူမြို့တွင် စစ်တောင်းမြစ်နှင့် ခပေါင်းချောင်းများတည်ရှိသဖြင့် မြစ်၊ ချောင်းကမ်းနံဘေးရှိ ကျေးရွာ များတွင် ဟင်းသီးဟင်းရွက်များကိုတစ်နိုင်တစ်ပိုင်စိုက်ပျိုးကြပါသည်။
ယင်းမြစ်၊ ချောင်း၊ ကမ်းနားများရှိ ဟင်းသီးဟင်းရွက်စိုက်ပျိုးသူ တောင်သူများသည် ၎င်းတို့အခင်းများမှထွက်ရှိသော ဟင်းသီးဟင်းရွက်များအား အများအားဖြင့် တောင်ငူမြို့ ညောင်ပင်ဈေးသို့လာရောက်၍ ရောင်းချခြင်း၊ ဖောက်သည်သွင်းခြင်းများပြုလုပ်ကြပါသည်။ ထို့ကြောင့် တောင်ငူမြို့ရှိ ညောင်ပင်ဈေးသည် ကုန်စိမ်းဈေးအဖြစ် ဒေသအတွင်း နာမည်ကျော်ကြားပါသည်။
တောင်ငူမြို့ ညောင်ပင်ဈေးတွင် ဒေသအတွင်းမှထွက်ရှိသော ရာသီပေါ်ခဝဲသီးများမှာ ဈေးကောင်းရလျက်ရှိကြောင်း၊ ၂၀၂၄ခုနှစ် ဇွန်လအစပိုင်းတွင် ခဝဲသီးဈေးနှုန်းအနေဖြင့် အတော်အသင့်သာကြီးသော ခဝဲသီး (၃) တောင့်ပါ တစ်စည်းလျှင် (၁၀၀၀)ကျပ်ဖြင့်ရောင်းချပေးနေကြောင်း ညောင်ပင်ဈေးရှိ ဟင်းသီးဟင်းရွက်ရောင်းချသူတစ်ဦးထံမှ လေ့လာသိရှိရပါသည်။
DOCA(ပဲခူး)