မန္တလေးတိုင်းဒေသကြီး၊ သာစည်မြို့နယ်တွင် ၂၀၂၁-၂၀၂၂ ခုနှစ် မိုးကြိုချည်မျှင်ရှည်ဝါ ဧက (၁၈၀၀) စိုက်ပျိုးရန်လျာထားကြောင်း စိုက်ပျိုးရေးဦးစီးဌာနမှ သိရှိရပါသည်။
အဆိုပါ လျာထားဧက (၁၈၀၀)ကို ကျေးရွာအုပ်စု(၁၆)အုပ်စုတွင် စိုက်ပျိုးရန်လျာထားပြီး ဧက (၁၅၀၀)ကို မင်းလှကန်ရေဖြင့်လည်းကောင်း၊ ဧက (၃၀၀)ကို ညောင်ရမ်းကန်ရေဖြင့်လည်းကောင်း စိုက်ပျိုးမည်ဖြစ်ကြောင်းနှင့် လျာထားဧက (၁၈၀၀)တွင် မျိုးသန့်မျိုးစေ့ထုတ် ၂၅၀ ဧကနှင့် ပုဂ္ဂလိက မျိုးစေ့ထုတ်ဧက ၂၅၀ တို့အား မျိုးသန့်မျိုးစေ့ထုတ်ဧကများအဖြစ် ဆောင်ရွက်သွားမည်ဖြစ်ကြောင်း သိရှိရပါသည်။
သာစည်မြို့နယ်စိုက်ပျိုးရေးဦးစီးဌာနမှ မိုးကြိုချည်မျှင်ရှည်ဝါဧက (၁၈၀၀) စိုက်ပျိုးမည့် တောင်သူများအကျိုးဖြစ်ထွန်းစေရန်အတွက် အပင်ပြုစုခြင်းလုပ်ငန်းများ၊ ဓါတ်မြေသြဇာစနစ်တကျ အချိန်ကိုက်အချိုးညီသုံးစွဲခြင်း၊ သဘာဝဓါတ်မြေသြဇာများသုံးစွဲခြင်းနှင့် ပိုးသတ်ဆေးစနစ်တကျသုံးစွဲရေးစသည်ဖြင့် နည်းပညာများအား ကွင်းဆင်းပို့ချဟောပြောပေးခြင်း၊ အသိပညာပေး လက်ကမ်းစာစောင်များဖြန့်ဝေခြင်းတို့ကို ကျန်းမာရေးလမ်းညွှန်ချက်များနှင့်အညီ ဆောင်ရွက်ပေးလျက်ရှိကြောင်း သိရှိရပါသည်။
DOCA(မန္တလေး)