လပွတ္တာမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံဦးမြင့်ဌေးနှင့် မြို့နယ်စည်ပင် သာယာရေးအဖွဲ့တို့ပူးပေါင်း၍ (၈.၃.၂၀၂၂)ရက်နေ့ နံနက်(၁၀:၀၀)နာရီအချိန်တွင် လပွတ္တာမြို့နယ် အမှတ်(၁)ရပ်ကွက် စည်ပင်သာယာလမ်းရှိ ကုန်မျိုးစုံ၊ မုန့်မျိုးစုံဆိုင်များသို့ သွားရောက်၍ ထုတ်ကုန် လုံခြုံစိတ်ချရမှုရှိစေရေး၊ ကုန်စည်များပေါ်တွင် ကုန်အညွှန်းအမှတ်အသားဖော်ပြချက်နှင့်ကိုက်ညီမှု ရှိ/မရှိ ဈေးကွက်စောင့်ကြည့် စစ်ဆေးမှုများဆောင်ရွက်ခဲ့ပါသည်။
ထိုသို့စစ်ဆေးမှုများဆောင်ရွက်ရာတွင် စားသုံးသူများဘေးအန္တရာယ်ကင်းရှင်းစေရန်အလို့ငှါ ရောင်းချသူစီးပွားရေးလုပ်ငန်းရှင်များမှ မိမိတို့ရောင်းချသောကုန်စည်များပေါ်တွင် စားသုံးသူကာ ကွယ်ရေး ဥပဒေအခန်း(၁၈)ပါ ကုန်အညွှန်းအမှတ်အသားဖော်ပြချက်များနှင့်အညီ စိစစ်ရောင်းချမှု ရှိ/မရှိ စစ်ဆေးခဲ့ပါသည်။
ကုန်အညွှန်းအမှတ်အသားဖော်ပြချက်များနှင့်ကိုက်ညီမှုမရှိသော ကုန်စည်များထုတ်လုပ်ခြင်း ဖြန့်ဖြူးခြင်း၊ ရောင်းချခြင်းများ စိစစ်တွေ့ရှိရပါက စားသုံးသူကာကွယ်ရေး ဥပဒေအခန်း(၁၈)ပါအရ အရေးယူဆောင်ရွက်မှုများ ပြစ်မှု။ ပြစ်ဒဏ်များများနှင့်အညီ ဆောင်ရွက်သွားမည်ဖြစ်၍ စီးပွားရေး လုပ်ငန်းရှင်များအနေဖြင့် လိုက်နာဆောင်ရွက်ရမည့် ညွှန်ကြားချက်များအတိုင်း ဆောင်ရွက်ကြရန် လိုအပ်ကြောင်း ဆွေးနွေးခဲ့ပါသည်။
DOCA(ဧရာဝတီ)