မန္တလေးတိုင်းဒေသကြီးနေ တိုင်ကြားသူတစ်ဦးသည် မန္တလေးမြို့ရှိ GYM တစ်ခုသို့ သွားရောက်ခဲ့ရာ တာဝန်ချထားသည့် လုံခြုံရေးဝန်ထမ်းမှ ကားရပ်နားရန် ပြသသည့်နေရာတွင် တိုင်ကြားသူ၏ ကားကိုရပ်နားခဲ့ပြီး အပြင်သို့ ခေတ္တသွားပြီး ပြန်လာချိန်တွင် ကားရှေ့ပိုင်း ပျက်စီးနေပါသဖြင့် ပြောကြားရာ လုံခြုံရေးကုမ္ပဏီမှ တာဝန်ယူမှုမရှိပါသဖြင့် တိုင်ကြားခြင်း။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှ တာဝန်ရှိသူများက လုံခြုံရေးကုမ္ပဏီမှ တာဝန်ရှိသူများထံ ဆက်သွယ်ဆောင်ရွက်ခဲ့ရာ လုံခြုံရေးကုမ္ပဏီမှ တာဝန် ရှိသူများက တိုင်ကြားသူသွားရောက်ခဲ့သည့် XXX Gym အဆောက်အဦ၏ ဧရိယာအတွင်းအထိ တာဝန်ယူထားပါကြောင်း၊တိုင်ကြားသူအနေဖြင့်၎င်း၏ကားအား ကန့်သတ်ဧရိယာကျော်လွန်၍ ရပ်နားထားခဲ့ပါကြောင်း၊ မိမိတို့လုံခြုံရေး ဝန်ထမ်းရေချိုးနေချိန်တွင် ဖြစ်ပွားခဲ့ခြင်းဖြစ်ပါကြောင်း၊ ကားထိခိုက်ပျက်စီးဆုံးရှုံးမှုနှင့် ပတ်သက်၍ XXX Gym နှင့် လုံခြုံရေးကုမ္ပဏီတို့မှ ကားပြင်ဆင်ကုန်ကျစရိတ် တစ်ဝက်ခန့်ဖြစ်သည့် ငွေကျပ် ၁၅၀,၀၀၀/- ကို တာဝန်ယူ ဆောင်ရွက်ပေးမည်ဖြစ်ပါကြောင်း ညှိနှိုင်းရရှိခဲ့ပြီး တိုင်ကြားခံရသည့် စီးပွားရေးလုပ်ငန်းရှင်မှ တိုင်ကြားသူသို့ KBZ Pay ဖြင့် ငွေကျပ် ၁၅၀,၀၀၀/- ကို လွှဲပေးခဲ့ရာ တိုင်ကြားသူမှ ငွေလက်ခံ ရရှိခဲ့ပြီး ကျေနပ်မှုရှိပါသောကြောင့် တိုင်ကြားမှုကို ပိတ်သိမ်းဆောင်ရွက်ခဲ့ပါသည်။