(၁၁.၆.၂၀၂၄)ရက်နေ့တွင် စလင်းမြို့နေ xxxxxx ပါ (၃)ဦးသည် စလင်းမြို့မှမကွေးမြို့သို့သွားရန်အတွက် xxxxxx ဂိတ်၊ ဂိတ်မှူးတာဝန်ခံ xxxxxx ထံမှ ကားလက်မှတ်ဝယ်ယူခဲ့ကြောင်း၊ စလင်း-မကွေး ပုံမှန်ယာဉ်စီးခနှုန်းထားမှာ (၁)ဦးလျှင် ကျပ်(၈၀၀၀)သာ ကျသင့်ရမည်ဖြစ်သော်လည်း ကျပ်(၁၅၀၀၀)နှုန်းဖြင့် လူ(၃)ဦးစာ စုစုပေါင်းငွေကျပ်(၄၅၀၀၀)ပေးချေခဲ့ရ၍ ယာဉ်စီးခအဆမတန်ပေးချေခဲ့ရမှုအပေါ် စိတ်ကျေနပ်မှုမရှိပါသဖြင့် (၁၃.၆.၂၀၂၄)ရက်နေ့တွင် စားသုံးသူရေးရာဦးစီးဌာနသို့ xxxxxx မှ တိုင်ကြားလာပါသည်။
စားသုံးသူရေးရာဦးစီးဌာနမှ တိုင်ကြားမှုနှင့်ပတ်သက်၍ စားသုံးသူကာကွယ်ရေးဥပဒေအရ စားသုံးသူနစ်နာဆုံးရှုံမှုရှိ /မရှိစိစစ်ခဲ့ပါသည်။ (၁၄.၆.၂၀၂၄)ရက်နေ့တွင် တိုင်ကြားခံရသည့် xxxxxx ကားဂိတ်(ဂိတ်တာဝန်ခံ) မင်းဘူးမြို့၊ တိုင်းကြားသူ၊ ပို့ဆောင်ရေးစီမံကိန်းဦးစီးဌာန၊ မော်တော်ယာဉ်လိုင်းများ ကြီးကြပ်ကွပ်ကဲ ရေးကော်မတီတို့မှ တာဝန်ရှိသူများသို့ တိုင်ကြားမှုနှင့် စပ်လျဉ်း၍ ညှိနှိုင်းဖြေရှင်းနိုင်ရေး အကြောင်းကြားစာ ပေးပို့ခဲ့ပါသည်။ (၁၇.၆.၂၀၂၄)ရက်နေ့ တွေ့ဆုံညှိနှိုင်းမှုအရ ဌာနတာဝန်ရှိသူမှတိုင်ကြားခံ ရသည့် ဂိတ်ဘက်မှ ခရီးသည်များအပေါ် သတ်မှတ်နှုန်းထားထက် ပိုမိုကောက်ခံခြင်းအတွက် တိုင်ကြားသူ စိတ်ကျေနပ်မှုရရှိသည်အထိ တာဝန်ယူရမည်ဖြစ်ကြောင်းနှင့် ပြေစာဖြတ်ပိုင်းပေါ်တွင်လည်း ကျသင့်ငွေအား ထည့်သွင်းဖော်ပြရန်လိုအပ်ကြောင်း ရှင်းလင်း ပြောကြားခဲ့ရာ ဂိတ်တာဝန်ရှိသူမှ တိုင်ကြားသူ နစ်နာဆုံးရှုံးခဲ့သော ငွေကျပ်(၁၁၀၀၀)အားပေး လျော်မည်ဖြစ်ပါကြောင်းနှင့် ခံဝန်ကတိတွင်လည်း လက်မှတ်ရေးထိုးပါမည် ဖြစ်ပါကြောင်း ပြောကြား လာပါသည်။ ဌာနမှတိုင်ကြားခံရသည့် xxxxxx ဂိတ်တာဝန်ရှိသူအား ခရီးစဉ်အလိုက် သတ်မှတ် ဈေးနှုန်းများအား ကားလက်မှတ်ဖြတ်ပိုင်းများတွင် ထည့်သွင်းဖော်ပြ၍ ရောင်းချပေးရန်နှင့် ခရီးသည်များအား မချေမငံဆက်ဆံခြင်းမျိုးများမပြုလုပ်ရန်၊ နောက်နောင်တွင်လည်း ခရီးသည်များအပေါ်တွင် သတ်မှတ်နှုန်းထားများထက် ပိုမိုကောက်ခံခြင်းများ ပြုလုပ်ပါက ထိရောက်စွာ အရေးယူဆောင်ရွက်သွားမည်ဖြစ်ကြောင်း ဝန်ခံကတိလက်မှတ်ရေးထိုးစေခဲ့သဖြင့် တိုင်ကြားသူမှ စိတ်ကျေနပ်မှုရရှိကာ အမှုအားပိတ်သိမ်းနိုင်ခဲ့ပါသည်။
DOCA(မကွေး)