ကယားပြည်နယ်သည် ဆီထွက်သီးနှံများအနေဖြင့် နှမ်း၊ မြေပဲ၊ နေကြာနှင့်ပန်းနှမ်းတို့ကို အဓိကစိုက်ပျိုးသောဒေသ ဖြစ်ပါသည်။ ယခင်နှစ် ၂၀၂၀-၂၀၂၁ ခုနှစ် ရာသီကုန် ဆီထွက်သီးနှံစိုက်ပျိုးထုတ်လုပ်မှုအခြေအနေမှာ နှမ်း စိုက်ဧက(၂၆၀၅၄) ဧက၊ ရိတ်ဧက (၂၅၅၂၀)ဧကရှိပြီး (၁)ဧကအထွက်နှုန်းမှာ(၉.၉၄)တင်းနှင့် စုစုပေါင်းအထွက်နှုန်းမှာ (၂၅၃၅၄၄)တင်းထွက်ရှိကြောင်း၊ မြေပဲစိုက်ပျိုးထုတ်လုပ်မှုအခြေအနေမှာ စိုက်ဧက (၁၀၂၉၅) ဧက၊ ရိတ်ဧက(၁၀၂၉၃)ဧက၊ (၁)ဧကအထွက်နှုန်းမှာ(၄၅.၈၃)တင်းနှင့် စုစုပေါင်း အထွက်နှုန်းမှာ (၄၇၁၇၅၀)တင်း ထွက်ရှိကြောင်း၊ နေကြာ စိုက်ပျိုးထုတ်လုပ်မှုမှာ စိုက်ဧက(၃၀၃၃) ဧက၊ ရိတ်ဧက(၃၀၃၃)ဧက၊ (၁)ဧကအထွက်နှုန်းမှာ(၂၈.၁၂)တင်းနှင့် စုစုပေါင်းအထွက်နှုန်းမှာ (၈၅၂၈၉)တင်းထွက်ရှိကြောင်း၊ ပန်းနှမ်းစိုက်ပျိုးထုတ်လုပ်မှုမှာ စိုက်ဧက(၄၃၉၇) ဧက၊ ရိတ်ဧက(၄၃၉၇)ဧက၊ (၁)ဧကအထွက်နှုန်းမှာ(၈.၈၃)တင်းနှင့် စုစုပေါင်းအထွက်နှုန်းမှာ (၃၈၈၂၀)တင်းထွက်ရှိပါသည်။
ယခု ၂၀၂၁-၂၀၂၂ ခုနှစ်၊ ဖေဖော်ဝါရီလကုန်အထိ ဆီထွက်သီးနှံ စိုက်ပျိုးထုတ်လုပ်မှု အခြေအနေများမှာ နှမ်း စိုက်ဧက(၂၅၇၁၁) ဧက၊ ရိတ်ဧက(၂၅၇၀၀)ဧက၊ (၁)ဧကအထွက် နှုန်းမှာ(၉.၉၄)တင်းနှင့် စုစုပေါင်းအထွက်နှုန်းမှာ (၂၅၅၄၀၀)တင်းထွက်ရှိကြောင်း၊ မြေပဲစိုက်ပျိုးထုတ်လုပ်မှု အခြေအနေမှာ စိုက်ဧက(၉၈၀၆) ဧက၊ ရိတ်ဧက(၉၁၉၆)ဧက၊ (၁)ဧကအထွက်နှုန်းမှာ(၄၄.၇၀)တင်းနှင့် စုစုပေါင်းအထွက်နှုန်းမှာ (၄၁၁၀၃၈)တင်းထွက်ရှိကြောင်း၊ နေကြာစိုက်ပျိုးထုတ်လုပ်မှုမှာ စိုက်ဧက(၁၈၀၀) ဧက၊ ရိတ်ဧက (၁၅၄၃)ဧက၊ (၁)ဧကအထွက်နှုန်းမှာ(၂၈.၁၄)တင်းနှင့် စုစုပေါင်းအထွက်နှုန်းမှာ (၄၃၄၁၄) တင်း ထွက်ရှိကြောင်း၊ ပန်းနှမ်း စိုက်ပျိုးထုတ်လုပ်မှုမှာ စိုက်ဧက(၁၅၅၀) ဧက၊ ရိတ်ဧက(၁၅၅၀)ဧက၊ (၁)ဧကအထွက်နှုန်းမှာ(၈.၈၁)တင်းနှင့် စုစုပေါင်းအထွက်နှုန်းမှာ (၁၃၆၅၇)တင်းတို့ ဖြစ်ကြောင်း ကယားပြည်နယ် လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန စာရင်းများအရ သိရှိရပါသည်။
ဒေသထွက်ဆီထွက်သီးနှံများကို ဒေသတွင်းအမှန်တကယ် ဆီကြိတ်၍ စားသုံးလျှင် ဆီဖူလုံမှုထက် ပိုမိုနေပါသည်။ သို့သော် အများစုမှာ အခြားဒေသို့တင်ပို့ကြပြီး အခြားဒေသမှတင်သွင်းလာသည့် စားအုန်းဆီများကို ဝယ်ယူစားသုံးကြပါသည်။ ယခင် ၂၀၂၀-၂၀၂၁ ခုနှစ်တွင် ဒေသဆီထွက်သီးနှံတင်ပို့မှုနှင့် စားသုံးမှုကို ခန့်မှန်းပါက နှမ်းတင်ပို့မှု (၉၀%)၊ ဒေသတွင်းဆီကြိတ်၍စားသုံးမှု(၁၀%)ရှိကြောင်း၊ မြေပဲတင်ပို့မှု(၅၀%)၊ ဒေသစားသုံးမှုမှာ (၅၀%) ခန့်ရှိကြောင်း၊ နေကြာတင်ပို့မှုမရှိဘဲ ဒေသတွင်းစားသုံးမှု (၁၀၀%)ရှိကြောင်း၊ ပန်းနှမ်းတင်ပို့မှု(၁၀၀%)ရှိပြီး၊ ဒေသတွင်းစားသုံးမှု မရှိကြောင်း ၊ယခု ၂၀၂၁-၂၀၂၂ ခုနှစ်တွင် ဒေသဆီထွက်သီးနှံ တင်ပို့မှုနှင့်စားသုံးမှုကို ခန့်မှန်းကြည့်လျှင် နှမ်းတင်ပို့မှု(၈၀ %)နှင့် ဒေသတွင်းဆီကြိတ်၍စားသုံးမှုမှာ(၂၀ %)ရှိကြောင်း၊ မြေပဲ တင်ပို့မှု(၂၀ %)နှင့် ဒေသတွင်းစားသုံးမှုမှာ(၈၀ %)ရှိကြောင်း၊ နေကြာ တင်ပို့မှုမရှိဘဲ ဒေသတွင်းစားသုံးမှု(၁၀၀%)ရှိကြောင်း၊ ပန်းနှမ်းတင်ပို့မှု(၁၀၀%)ဖြစ်ပြီး ဒေသတွင်း စားသုံးမှုမရှိပါကြောင်း၊ ယခင်နှစ် ဒေသဆီထွက်သီးနှံစားသုံးမှုနှင့် ယခုနှစ် ဒေသထွက် ဆီထွက်သီးနှံ စားသုံးမှုကိုနှိုင်းယှဉ်ကြည့်လျှင် ယခုနှစ် ဒေသထွက် ဆီထွက်သီးနှံများ ပိုမိုစားသုံးလာကြကြောင်း၊ ဒေသထွက်ဆီထွက်သီးနှံပိုမို စားသုံးလာရခြင်းမှာ အခြားဒေသမှတင်သွင်းလာသည့် ဆီထွက်သီးနှံများနှင့် စားသုံးဆီဈေးနှုန်းမြှင့်တက်နေခြင်းကြောင့် ပိုမိုစားသုံးလာကြခြင်းဖြစ်ကြောင်းဟု ဆီစက်လုပ်ငန်းရှင်တစ်ဦးထံမှ သိရှိရပါ သည်။
DOCA(ကယား)