စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးတွင် ပြည်နယ်ဦးစီးမှူး ဦးသန်းဦးက ဝန်ထမ်းများ သတင်းအချက် အလက်နည်းပညာဖြင့် စားသုံးသူအခွင့်အရေးများသိရှိစေရန်၊ ဘေးအန္တရာယ်ရှိသော ထုတ်ကုန်ပစ္စည်းများအား သိရှိရှောင်ကြဉ်နိုင်ရန်နှင့် သတင်းပေးပို့နိုင်ရန် ရည်ရွယ်၍ ၂၂-၃-၂၀၂၂ ရက်နေ့၊ နေ့လည် ၀၂:၀၀ နာရီအချိန်တွင် သတင်းနှင့် ဆောင်းပါးရေးသားခြင်းဆိုင်ရာ အရည်အသွေးမြှင့်တင်မှုသင်တန်း ကျင်းပခဲ့ပါသည်။
အဆိုပါသင်တန်းတွင် ပြည်နယ်ဦးစီးမှူး ဦးသန်းဦးက သင်တန်းဖွင့်လှစ်ရခြင်း၏ ရည်ရွယ်ချက်ကို အဖွင့်အမှာစကားပြောကြားခဲ့ပြီး ဦးစီးအရာရှိ ဦးမျိုးဝင်းနိုင်က သတင်း/ ဆောင်းပါးများရေးသားရာတွင် လိုက်နာရမည့်အခြေခံအချက်များကိုလည်းကောင်း ကြိုတင် ပြင်ဆင်ခြင်း၊ သတင်းခေါင်းစဉ်များကို လိုရင်းတိုရှင်းနှင့် ပြည့်စုံစွာ ရေးသားခြင်း၊ သတင်း/ ဆောင်းပါး ရေးသားရာတွင် ဆောင်ရန် ရှောင်ရန်များ လိုက်နာကျင့်သုံးပြီး နည်းစနစ်မှန်မှန် ရေးသားခြင်း၊ သတင်း/ ဆောင်းပါးရေးသားရာတွင် အဓိကအခြေခံအချက်ဖြစ်သော “ဘ” ခြောက်လုံးဖြင့် အခြေခံရေးသားရမည့်အချက်များကိုလည်းကောင်း ရှင်းလင်းဆွေးနွေးခဲ့ပါ သည်။
ဆက်လက်၍ ပြည်နယ်ဦးစီးမှူး ဦးသန်းဉီးက သတင်းမီဒီယာ၏အခန်းကဏ္ဍသည် ပြည်သူများနှင့် ပတ်သက်ပြီး သိသင့်သိထိုက်များ၊ ပြောသင့်ပြောထိုက်သည်များကို အကောင်းဆုံးနှင့် အထိရောက်ဆုံး ပြောနိုင် ပြနိုင် ဖော်ထုတ်နိုင်သည့် အရေးပါဆုံးသော အရာဖြစ်ကြောင်း နိဂုံးချုပ်အမှာစကားပြောကြားခဲ့ပြီး ဝန်ထမ်းဦးရေ ( ၁၂ ) ဦး တက်ရောက် ခဲ့ကြောင်း သတင်းရရှိပါသည်။