![](http://www.doca.gov.mm/sites/default/files/styles/consumer_inner_image__847x424_/public/cp ပြောင်းဖူး.jpg?itok=Rg82JhDZ)
စစ်ကိုင်းတိုင်းဒေသကြီး၊ မုံရွာမြို့နယ်တွင် ပြည်ပဈေးကွက်ဝယ်လိုအားရှိသော CPပြောင်းဖူး စိုက်ပျိုးသည့် တောင်သူများ ယခုနှစ်တွင် ဈေးကောင်းရရှိပြီး တွက်ခြေကိုက်လျက်ရှိကြောင်း မုံရွာ မြို့နယ်၊ ဘုမ္မနိုးကျေးရွာအုပ်စုရှိ CPပြောင်းဖူး စိုက်ပျိုးသူ တောင်သူတစ်ဦးထံမှ သိရှိရပါသည်။
မုံရွာမြို့နယ် ဘုမ္မနိုးရွာတွင် ယခင် စီပီပြောင်းဖူးစိုက်ပျိုးသော တောင်သူဦးရေ ၅၀/၆၀ ခန့်ရှိပြီး ဈေးကွက် ဝယ်လိုအားရှိကြောင်း၊ ၂၀၂၀ ခုနှစ်တွင် CPပြောင်းဖူး တစ်တင်းလျှင် ၆၀၀ဝိ/- မှ ၉၀၀ဝိ/- ထိ ရရှိကြောင်း သိရှိရပါသည်။
CPပြောင်းဖူး စိုက်ပျိုးသူ တောင်သူတစ်ဦးက မိုးနှောင်းကာလ အောက်တိုဘာလမှ စတင်ပြီး ဇန်နဝါရီလအထိ (၄)လ ခန့်စိုက်ပျိုးရကြောင်း၊ စိုက်ပျိုးပြီးစီးချိန် (၁)လအတွင်း ဓာတ်မြေဩဇာ ထည့်သွင်းပေးပြီး လိုအပ်သော ပိုးသတ်ဆေး၊ မှိုသတ်ဆေးများ ဖျန်းပေးရပြီး ဘောင်ဆွဲခြင်း၊ ရေသွင်းခြင်းအား တစ်သီးလျှင် ရေ (၄) ချိန်ခန့်သွင်းပေးရကြောင်း၊ တစ်ဧကပျမ်းမျှ အထွက်နှုန်းမှာ ၇၀ တင်းမှ ၁၀၀ တင်းအထိ ထွက်ရှိနိုင်ဟု ခန့်မှန်း၍ လက်ရှိတစ်တင်းလျှင် ၁၆၅၀ဝိ/- မှ ၁၈၀၀ဝိ/- ထိ ပေါက်ဈေးရှိပြီး တစ်ဧက စိုက်ပျိုးထုတ်လုပ်မှု ကုန်ကျစရိတ်မှာ ကျပ် (၅) သိန်းခန့်ရှိ၍ တစ်ဧကလျှင် တင်း ၇၀ /၈၀ ထွက်ရှိလျှင် ကျပ် (၁၂) သိန်း ဝန်းကျင်ရရှိမည် ဖြစ်သည့် အတွက် ကျပ်(၅) သိန်းခန့် အကျိုးအမြတ်ရရှိပြီး ပြည်ပဈေးကွက် ဝယ်လိုအားရှိသော CPပြောင်းဖူးမှာ ယခုနှစ် ဈေးကွက်အခြေအနေအရ ပြည်ပဝင်ငွေ တိုးမြှင့်ရရှိနိုင်မည် ဖြစ်ကြောင်း သိရှိပါသည်။
DOCA(စစ်ကိုင်း)