စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးလျက်ရှိပြီး ရာသီပေါ်သီးနှံများနှင့် စားဖိုဆောင်သီးနှံများကိုလည်းစိုက်ပျိုးကြသည်။
ယခုအခါ ကန့်ဘလူမြို့နယ်အတွင်းရှိ ကာဘိုးကျေးရွာနှင့် အနီးကျေးရွာများရှိ ကြက်သွန်စိုက်တောင်သူများက ယခင်နှစ်စိုက်ကြက်သွန်နီများကို ဈေးကွက်အတွင်းသို့ တင်ပို့လာသောကြောင့် ကန့်ဘလူခရိုင်အတွင်း ကြက်သွန်နီဈေးနှုန်းများကျဆင်းလျက်ရှိကြောင်းသိရသည်။ ၂၀၂၄ခုနှစ်၊ ဩဂုတ်လ စတုတ္ထပတ်အတွင်း၌ ကြက်သွန်နီတစ်ပိဿာလျှင် ငွေကျပ် (၃၀၀၀-၃၅၀၀) အထိမြင့်တက်ခဲ့ပြီး ယခုဩဂုတ်လ နောက်ဆုံးပတ်တွင် ကြက်သွန်နီတစ်ပိဿာလျှင် ငွေကျပ် (၁၈၀၀-၂၀၀၀) ဖြစ်ရာ ကြက်သွန်နီတစ်ပိဿာလျှင် ငွေကျပ်၁၅၀၀ခန့်ကျဆင်း၍ အရောင်းအဝယ်ဖြစ်လျက်ရှိကြောင်း ကန့်ဘလူမြို့မဈေးရှိ ကြက်သွန်နီနှင့် ကုန်မျိုးစုံရောင်းဝယ်ရေးလုပ်ငန်းရှင်ထံမှသိရှိရပါသည်။
DOCA(စစ်ကိုင်း)