![](http://www.doca.gov.mm/sites/default/files/styles/consumer_inner_image__847x424_/public/12.18_2.jpg?itok=8KAVYZw4)
မအူပင်မြို့နယ်တွင် ပဲအမျိုးမျိုးရောင်းချနေပြီး အခြေခံစားသောက်ကုန် မွန်းလိုက် လက်လီ/ လက်ကားအရောင်းဆိုင်တွင် ပဲမျိုးစုံ ရောင်းဝယ်လျက်ရှိသည်။ ရောင်းချနေသော ပဲမျိုးစုံများတွင် ကုလားပဲ၊ ပဲငုံကြား၊ ဘိုကိတ်အနက်၊ ဘိုကိတ်အဖြူ၊ ပဲနီပြား၊ မြေပဲ၊ စတော်ပဲ၊ ပဲထောပတ် တို့ဖြစ်ပြီး ထိုပဲအမျိုးမျိုးတွင် ပဲနီပြား၊ မြေပဲ နှင့် ပဲထောပတ် ကဈေး အမြင့်ဆုံးဖြစ်သည်။
ပဲဈေးနှုန်းများမှာ ကုလားပဲဆံ ၁ပိဿာ ၇၄၀၀ကျပ်၊ ပဲငုံကြား ၁ပြည် ၇၆၀၀ကျပ်၊ ဘိုကိတ်နက် ၁ပြည် ၇၉၀၀ကျပ်၊ ဘိုကိတ်ဖြူ ၁ပြည် ၇၅၀၀ကျပ်၊ ပဲနီပြား ၁ပြည် ၁၂၀၀၀ကျပ်၊ မြေပဲဆံ ၁ပိဿာ ၁၂၀၀၀ကျပ်၊ စတော်ပဲ ၁ပြည် ၉၅၀၀ကျပ်၊ ပဲထောပတ်ပြား ၁ပြည် ၁၂၀၀၀ ရှိကြောင်း သိရသည်။ ယခုအပတ် ပဲဈေးနှုန်းအနည်းငယ် တည်ငြိမ်နေပြီး ပဲများပြတ်လပ်မှု မရှိသော်လည်း မိုးတွင်းကာလတွင် ပဲအဟောင်းများကိုသာ ရောင်းချရ၍ အရောင်းအဝယ်ပါး ကြောင်း၊ နတ်တော်-ပြာသိုလ ပဲပေါ်ချိန်တွင် ဈေးကောင်းပြီး ရောင်းအားပိုမိုကောင်းမွန်ကြောင်း၊ ယခုအချိန် ပုံမှန်ပဲပြုတ်ရောင်းချသူများရှိသောကြောင့် တစ်နေ့ စားတော်ပဲ (၁)အိတ် ရောင်းချရပြီး ဈေးနှုန်းအနေဖြင့် ၂၂၅၆၀၀ကျပ် ဖြစ်သည်။ ပဲအမျိုးမျိုးကို ရန်ကုန် ဘုရင့်နောင်မှ မှာယူရောင်းချပြီး၊ ပဲစိုက်ပျိုးသီးနှံပေါ်ချိန်တွင် ဈေးကောင်း၍ ရောင်းအား ပိုမိုကောင်းမွန်ကြောင်း မွန်းလိုက် မိုးသီးဆိုင်ရှင် ပြောပြချက်အရ သိရသည်။
DOCA(ဧရာဝတီ)