ပဲခူးတိုင်းဒေသကြီး၊ သနပ်ပင်မြို့နယ်၊ ကမာစဲမြို့နယ်များရှိ ဘဲမွေးမြူရေးခြံများမှ ဘဲဥများအား သနပ်ပင်မြို့နယ်ရှိ ဘဲဥဒိုင်များသို့ နေ့စဥ် ဘဲဥ အလုံး (၃၀၀)တွဲ (၁၀)တွဲ၊ (၁၅)တွဲ ပေးပို့ရာ၌ ၂၀၂၄ခုနှစ် စက်တင်ဘာလတတိယအပတ်တွင် ဘဲဥတစ်လုံးလျှင် (၄၂၀)ကျပ်နှုန်းဖြင့် ဘဲဥအလုံး(၃၀၀)တွဲ တစ်တွဲလျှင် လက်ကားဈေး ကျပ် (၁၂၆၀၀၀) ဖြင့် ဖြန့်ဖြူးရောင်းချခဲ့ကြောင်း၊ နေ့စဉ်ဒိုင်ခွဲများသို့ ပေးပို့နေရသည့်အတွက် အရောင်းသွက်နေသဖြင့် လက်ကျန်မရှိကြောင်း ၊ ပဲခူးမြို့ပေါ်ရှိ ဘဲဥဒိုင်များမှ လက်ကားဈေးနှင့် လက်လီဈေးများအတွက် ဘဲဥတစ်လုံးလျှင် (၄၈၀)ကျပ်နှုန်းဖြင့် ရောင်းချခဲ့ပြီး ပဲခူးမြို့ပေါ်ရှိ အိမ်ဆိုင်၊ ဈေးဆိုင်များက ဘဲဥတစ်လုံး လျှင် (၅၀၀) ကျပ်မှ (၅၅၀) ကျပ်နှုန်းဖြင့် အရောင်းအဝယ်သွက်လျက်ရှိကြောင်း သိရသည်။
DOCA(ပဲခူး)