ကြောင်လျှာပင်သည် မြန်မာနိုင်ငံအနှံ့အပြားတွင် ပေါက်ရောက်နိုင်ပြီး အသီး ၊အပွင့် ၊ အမြစ် ၊ အခေါက်အားလုံးတို့ကို စားဖွယ် ၊ သောက်ဖွယ်နှင့် ဆေးအဖြစ် အသုံးပြုကြပါသည်။ ကြောင်လျှာသီးသည် မိုးရာသီတွင် လှိုင်လှိုင်ပေါများပြီး ဇွန်လတွင် စတင်ထွက်ရှိပါသည်။ ကြောင်လျှာပွင့်နှင့် အရွက်ကိုပြုတ်၍ဖြစ်စေ ရေနွေးဖျော၍ဖြစ်စေ သုပ်စားခြင်း၊ အတို့အမြုပ်လုပ်စားခြင်းများပြုလုပ်ကြပြီး ကြောင်လျှာသီးကို အစိမ်းသုပ်စားခြင်း ၊ချဉ်ဖက်ထည့်ခြင်း ၊ ကြော်စားခြင်း ၊မီးဖုတ်စားသုံးခြင်းအပြင် အသား/ငါးဟင်းလျာများနှင့်လည်း ရောနှောချက်ပြတ်ကာစားသုံးကြကြောင်း သိရှိရပါသည်။ ကြောင်လျှာသီးသည် ဖန် ၊ချို ၊ခါး စသော အရသာရှိပြီး လူကြိုက်များသော အသီးအနှံတစ်မျိုးလည်းဖြစ်ပါသည်။
ကြောင်လျှာသီးတစ်ထောင့်လျှင် အရွယ်အစားအပေါ်မူတည်၍ (၇၀၀-၈၀၀)ကျပ်ဖြင့် ဈေးကောင်းရရှိခဲ့ပြီး ယခုစက်တင်ဘာလ တတိယပတ်တွင် အသီးများရှားပါးသောကြောင့် ကြောင်ရှာသီးတစ်ထောင့်လျှင် ခြံပေါက်ဈေး(လက်ကားဈေး) (၄၅၀-၅၅၀)ကျပ်နှင့် ဈေးကွက်အတွင်းတွင် လက်လီဈေးနှုန်းအနေဖြင့် (၇၀၀-၈၀၀) ကျပ်ဈေးနှုန်းဖြင့် ရောင်းချနေကြောင်း သိရှိရပါသည်။
DOCA(ဧရာဝတီ)