မကွေးတိုင်းဒေသကြီး၊ ပခုက္ကူမြို့မစည်ပင်သာယာဈေးနှင့် အမှတ်(၂)ဈေးတို့တွင် မန္တလေးတိုင်းဒေသကြီး၊ ပြင်ဦးလွင်၊ ရှမ်းပြည်နယ်၊ အောင်ပန်း၊ ကလော၊ အင်းလေးတို့မှ ဂေါ်ရခါးသီးများ ဝင်ရောက်အရောင်းအဝယ်ဖြစ်လျက်ရှိကြောင်း၊ နိုဝင်ဘာလတွင် စတင်စိုက်ပျိုးပြီး ဖေဖော်ဝါရီလတွင် အညွှန့်များကိုဖြတ်တောက်၍ ရောင်းချရကြောင်း၊ အသီးများသည် ဇွန်လမှ အောက်တိုဘာလထိသီးပြီး တစ်ပင်လျှင် အလုံးရေ (၂၀၀)မှ (၃၀၀)ထိထွက်ရှိကြောင်းသိရသည်။
၂၀၂၄ခုနှစ်၊ စက်တင်ဘာလ(တတိယပတ်)တွင် ဂေါ်ရခါးသီးတစ်လုံးလျှင် ကျပ်(၃၅၀)မှ ကျပ်(၅၀၀)ဈေးဖြင့်ရောင်းချလျက်ရှိပြီး နေ့စဉ် အလုံးရေ (၅၀၀) မှ (၁၀၀၀၀)ထိဝင်ရောက်လျက်ရှိကြောင်းသိရှိရပါသည်။
DOCA(မကွေး)