ရန်ကုန်တိုင်းဒေသကြီး၊ မြောက်ပိုင်းခရိုင် တိုက်ကြီးမြို့နယ်တွင် တောင်သူလယ်သမားများက နွေစပါး၊ အခြားသီးနှံစိုက်ပျိုးထုတ်လုပ်နိုင်ရန်အတွက် ယူရီးယားဓါတ်မြေဩဇာများကို လအလိုက် အထူးဈေးနှုန်းဖြင့် ရောင်းချပေးလျက်ရှိပါတယ်။ ယူရီးယားဓါတ်မြေဩဇာကားများ ဝင်ရောက်လာမှုအား အိတ်အရေအတွက်၊ တန်၊ ဝိတ်ချိန်ပြည့်ဝမှုရှိ/မရှိ သေချာစွာ စိစစ်လက်ခံ၍ တောင်သူလယ်သမားများသို့ ကျေးရွာအုပ်စုအလိုက် အချိန်မီရရှိရေးကို ဆောင်ရွက်ပေးလျက်ရှိနေပါတယ်။
ထိုသို့ဆောင်ရွက်ရာတွင် တိုက်ကြီးမြို့နယ်အတွက် ယူရီးယားဓါတ်မြေဩဇာတစ်အိတ် ဈေးနှုန်းမှာ (၃၂၀၀၀)ကျပ်ဖြစ်ပြီး ယူရီးယားဓါတ်မြေဩဇာခွဲတမ်းရရှိမှုမှာ တန်(၁၃၉၅.၂၅၀)၊ အိတ် (၂၇၉၀၅)ဖြစ်ပြီး ယနေ့အထိ လက်ခံရရှိမှု ယူရီးယားဓါတ်မြေဩဇာမှာ (၅၅၅)တန်၊ အိတ်(၁၁၀၉၉) အားရရှိပြီးဖြစ်ပါသည်။ ဖြန့်ဝေပြီးစီးပါကြောင်းနှင့် ထပ်မံဝင်ရောက်သည့်ကားများကိုလည်း ဆက်လက်တင်ပြဆောင်ရွက်နေပါကြောင်း သိရှိရပါတယ်။
DOCA(ရန်ကုန်)