စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါ ဆောင်ရွက်လျက်ရှိရာ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ မြို့မစည်ပင်သာယာဈေးကွက်အတွင်းသို့ ရှမ်းပြည်နယ် အောင်ပန်းတို့မှထွက်ရှိသော ခရမ်းချည်သီးများကို မန္တလေးတိုင်းဒေသကြီးမှ မှာယူရောင်းချပြီး အရောင်းအဝယ်ဖြစ်လျက်ရှိကြောင်းသိရှိရပါ သည်။
၂၀၂၄ခုနှစ်၊ ဩဂုတ်လ၊ နောက်ဆုံးအပတ်နှင့် စက်တင်ဘာလ လဆန်းပိုင်းတွင် ခရမ်းချည်သီးဈေးနှုန်းအနေဖြင့် ထိုင်ဝမ်ခရမ်းချည်သီးဈေးမှာ အလုံးအရွယ်အစားအလိုက် တစ်ပိဿာလျှင် (၁၈၀၀/၂၀၀၀)ကျပ်ဖြစ်ခဲ့ပြီး ယခုစက်တင်ဘာလ စတုထ္ထပတ်အတွင်း၌ ခရမ်းချည်သီးဈေးနှုန်းမှာ အလုံးအရွယ်အစားအလိုက် တစ်ပိဿာလျှင် (၅၀၀၀/၆၀၀၀)ဈေးနှုန်းအထိမြင့်တက်လျက်ရှိကြောင်းသိရှိရပါသည်။
ခရမ်းချည်သီးဈေးနှုန်းမြင့်တက်ရခြင်းမှာ ရှမ်းပြည်နယ်နှင့် မန္တလေးတိုင်းဒေသကြီးတို့မှ မှာယူရောင်းရခြင်းဖြစ်သောကြောင့် ရာသီဥတုနှင့် လမ်းခရီးအခက်အခဲများကြောင့် ကုန်စည်စီးဆင်းမှုများနည်းပါးသဖြင့် ဈေးမြင့်တက်ရခြင်းဖြစ်ကြောင်း ကုန်စိမ်းသီးနှံရောင်းချသူများထံမှ သတင်းရရှိပါသည်။
DOCA(စစ်ကိုင်း)