စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်အသင်းတို့ပူးပေါင်း၍ ဖျာပုံမြို့နယ်ရှိ ပြည်သူများသက်သာသောဈေးနှုန်းဖြင့် စားအုန်းဆီများဝယ်ယူစားသုံးနိုင်စေရန်ရည်ရွယ်၍ ဧပြီလ(၁)ရက်နေ့နံနက်(၀၇:၀၀)နာရီအချိန်က မြို့မဈေးကြီးတွင်ရောင်းချလျက်ရှိရာ ခရိုင်ဦးစီးမှူးဦးထွေးသိမ်း ဦးဆောင်၍ မြို့နယ်တာဝန်ခံဦးမင်းဇော်၊ စည်ပင်သာယာရေးအဖွဲ့များ၊ မြို့နယ်ဆီလုပ်ငန်းရှင်များအသင်းမှ တာဝန်ရှိသူများလိုက်ပါ၍ ဈေးအတွင်း စားအုန်းဆီရောင်းချပေးနေမှုအားလိုက်လံစစ်ဆေးခဲ့ကြောင်းသိရသည်။
အဆိုပါစားအုန်းဆီများ၊ ရောင်းချပေးရာတွင် စားအုန်းဆီများသက်သာသောဈေးနှုန်းဖြင့်ဝယ်ယူနိုင်ရန်အတွက် စားအုန်းဆီတစ်ပိဿာ(၅၈၀၀)ကျပ်နှုန်းဖြင့် တစ်ဦးလျှင်တစ်ပိသာနှုန်းရောင်းချပေးကာပိဿာချိန်(၂၇၅၀)အား ပြည်သူများလက်ဝယ်သို့ဈေးနှုန်းချိုသာစွာဖြင့်ရောင်းချပေးလျက်ရှိကြောင်းသတင်းရရှိပါသည်။
DOCA(ဧရာဝတီ)