အင်ဒိုနီးရှားနိုင်ငံ ရေကြောင်းရေးရာနှင့်ငါးလုပ်ငန်းဝန်းကြီးဌာနက နိုင်ငံ၏ကျောက်ပုဇွန် မွေးမြူရေးသည် ၂၀၃၀ ခုနှစ်တွင်အမေရိကန်ဒေါ်လာ ၅၃ ဘီလီယံထိရရှိရန် စီးပွားရေးအလား အလာကောင်းကို ပိုင်ဆိုင်ထားကြောင်း ပြောကြားခဲ့ပါသည်။ ရေလုပ်ငန်းဦးစီးဌာန၏ ညွှန်ကြားရေးမှူးချုပ်ဖြစ်သူ Tb Haeru Rahayu ကအင်ဒိုနီးရှားကျောက်ပုဇွန်သည် အခြားနိုင်ငံများနှင့် နှိုင်းယှဉ်ပါကအလားအလာအလွန်ကောင်းမွန်ကြောင်း၊ တိုးတက်ပြောင်းလဲလာသည့် မွေးမြူရေးခေတ်မီစီမံကိန်းများအတွက် နိုင်ငံ၏အဓိကကုန်ပစ္စည်း ၅ ခုထဲမှတစ်ခုဖြစ်ကြောင်း၊ ၂၀၂၃ ခုနှစ်တွင် ၄၃၃ တန်ခန့်ထုတ်လုပ်နိုင်ခဲ့ပြီး ရူပီး ၁၇၉ ဘီလီယံခန့်ရှိကြောင်း ပြောကြားခဲ့ပါသည်။ အင်ဒိုနီးရှားသည် ကျောက်ပုဇွန်မွေးမြူရေးတွင် မြင့်မားသည့် အလားအလာရှိနေသော်လည်း ပုဇွန်မွေးမြူရေးတွင် ဆက်လက်အာရုံစိုက်ထားကြောင်း သိရပါသည်။ ၂၀၂၅ ခုနှစ်တွင် ကျောက်ပုဇွန် အကောင်ပေါက်များ တင်ပို့ခြင်းမှ ခန့်မှန်းရူပီး ၄၁၉ ဘီလီယံခန့်ရရှိနိုင်မည်ဟု သိရပါသည်။ Rahayu က အင်ဒိုနီးရှားသည် Batam ပြည်နယ်ရှိ Marine Aquacalture Center တွင် မွေးမြူရေးပုံစံများ တည်ဆောက်ခြင်းအားဖြင့် ကျောက်ပုဇွန်ထုတ်ကုန်များအတွက် ကမ္ဘာလုံးဆိုင်ရာထောက်ပံ့မှု ဦးဆောင်သူဖြစ်နိုင်ကြောင်း အကောင်းမြင်သုံးသပ်ခဲ့ပါသည်။ ရေကြောင်းရေးရာနှင့်ငါးလုပ်ငန်း ဝန်ကြီး Sakti Wahyu Trenggono သည် ၁၀-၁၀-၂၀၂၄ ရက်နေ့တွင် Batam ၌ကျောက်ပုဇွန် မွေးမြူရေးပုံစံပြုလုပ်ခြင်းအခမ်းအနားတက်ရောက်ရန် စီစဉ်ထားကြောင်း သိရပါသည်။ ထိုကျောက် ပုဇွန်မွေးမြူရေးပုံစံပြုလုပ်ခြင်းစီမံကိန်းတွင် ကျောက်ပုဇွန် ကျင်းပေါင်း ၁၄၄ ခုပါဝင်ပြီး ဝန်ကြီးဌာနက ကနဦးစတင်ခဲ့သည့် လေးခုမြောက်စီမံကိန်းဖြစ်ကြောင်း သိရပါသည်။ ပုံစံပြုလုပ်ခြင်းစီမံကိန်းတွင် ပါဝင်သည့် အခြားကုန်ပစ္စည်း ၃ ခုမှာ Kebumen မြို့တွင် ပုဇွန်၊ Wakatobi ကျွန်းစုများတွင် ကျောက်ပွင့်နှင့် Karawang မြို့တွင် Salinity-tolerant tilapia တို့ဖြစ်ကြောင်း သိရပါသည်။
Source: Antara News
DOCA(ရန်ကုန်)