ပဲခူးတိုင်းဒေသကြီး ၊ စားသုံးသူရေးရာဦးစီးဌာန ၊ ကျောက်တံခါးမြို့နယ်တာဝန်ခံ ဒေါ်တင်တင်စန်းသည် မြို့နယ်တာဝန်ခံရုံးမှ ဝန်ထမ်းများ ၊ မြို့နယ်စည်ပင်သာယာရေးအဖွဲ့ ၊ မြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူတို့နှင့်အတူ ဧပြီလ ၅ရက်နေ့ နံနက်ပိုင်းတွင် ကျောက်တံခါးမြို့နယ် စည်ပင်သာယာစျေးအတွင်း ဆေးလက်လီ/လက်ကား ရောင်းချသည့် ဆေးဆိုင်များသို့ ကွင်းဆင်းခဲ့ပါသည်။
ထိုသို့ကွင်းဆင်းရာတွင် ကျောက်တံခါးမြို့နယ် စည်ပင်သာယာစျေးအတွင်း ရောင်းချနေသော အိန္ဒိယမှ တင်သွင်းသည့် စံချိန်စံညွှန်းမပြည့်မှီသည့် ဆေး (၅)မျိုးအား စျေးကွက်အတွင်း ရောင်းချမှု ရှိ၊ မရှိကို အဓိကထား ကွင်းဆင်းစိစစ်၍ ကိုဗစ်-၁၉ ကာလဖြစ်သည့်အတွက် ဆေးနှင့်ဆေးပစ္စည်း ဆိုင်များအား စျေးနှုန်းများမြှင့်တင် ရောင်းချမှုရှိ /မရှိ ၊ စျေးကွက်အတွင်း ဆေးလက်ကျန်အခြေအနေနှင့် ဆေးပစ္စည်း လိုအပ်ချက်များအား စည်ပင်သာယာစျေးအတွင်း စျေးကွက်စောင့်ကြည့် စစ်ဆေးဆောင်ရွက်ပြီး စားသုံးသူအသိပညာပေး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(ပဲခူး)