စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ တောင်ငူခရိုင်ဦးစီးမှူးဦးမျိုးအောင်သည် ခရိုင်ဦးစီးမှူးရုံးမှ စားသုံး/ထုတ်လုံဌာနခွဲတာဝန်ခံ၊ ရေတာရှည်မြို့နယ်တာဝန်ခံတို့နှင့်အတူ ဧပြီလ ၈ ရက်နေ့ နေ့လယ်ပိုင်းက ရေတာရှည်မြို့နယ်၊ ရေနီမြို့၊ အမှတ်(၂)ရပ်ကွက်ရှိ Yaeni သောက်ရေသန့်စက်ရုံသို့ သွားရောက်၍ စားသုံးသူရေးရာဦးစီးဌာန ပေါ်ပေါက်လာပုံနှင့် ဆောင်ရွက်ချက်များ၊ စားသုံးသူအခွင့်အရေးနှင့်တာဝန်များ၊ စီးပွားရေလုပ်ငန်းရှင်များ၏ တာဝန်များ၊ ကုန်ပစ္စည်းများ ဝယ်ယူသုံးစွဲရာတွင် ကုန်အညွှန်းအမှတ်အသားကို တိကျမှန်ကန်စွာဖော်ပြထားသည့် ကုန်စည်များကို ဝယ်ယူရန်လိုအပ်ပုံများ၊ စားသုံးသူနစ်နာဆုံးရှုံးမှုများရှိပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC)တွင် တိုင်ကြားနိုင်မှုများအား အသိပညာပေး ဟောပြောခဲ့ပါသည်။
ဟောပြောပွဲသို့ Angel သောက်ရေသန့်စက်ရုံပိုင်ရှင်နှင့် ဝန်ထမ်း ၁၅ ဦးတက်ရောက်ခဲ့ပါသည်။ ဟောပြောပွဲအပြီးတွင် ခရိုင်ဦးစီးမှူးနှင့် အဖွဲ့ဝင်များသည် သောက်ရေသန့်စက်ရုံအတွင်း ထုတ်လုပ်နေမှုများနှင့် သောက်ရေသန့်ဘူးခွံများတွင် ကုန်အညွှန်းအမှတ်အသားများကို ကြည့်ရှုစစ်ဆေးခဲ့ပြီး စားသုံးသူစိတ်ကျေနပ်မှုရှိစေရေး ဆောင်ရွက်ပေးရန် ဆွေးနွေးပြောကြားခဲ့ကြောင်း သိရှိရပါသည်။
DOCA(ပဲခူး)