စားသုံးသူရေးရာဦးစီးဌာန ၊ပဲခူးတိုင်းဒေသကြီး၊ ပဲခူးခရိုင် ၊ ဒုခရိုင်ဦးစီးမှူးသည် ညောင်လေးပင်မြို့နယ် တာဝန်ခံ ၊ ညောင်လေးပင်မြို့နယ်တာဝန်ခံရုံးမှ ဝန်ထမ်းတို့နှင့်အတူ ဧပြီလ ၁၉ ရက်နေ့ နံနက်ပိုင်းက ညောင်လေးပင် မြို့ပေါ်ရှိ စက်ဆီ ၊ ချောဆီနှင့် ဆက်စပ်ရေနံထွက်ပစ္စည်း အရောင်းဆိုင်များသို့ သွားရောက်၍ စက်ဆီ ၊ ချောဆီနှင့် ရေနံထွက်ပစ္စည်းအတုအပများ ရောင်းချမှုမရှိစေရေး ကွင်းဆင်း ကြည့်ရှု စစ်ဆေးခဲ့ပါသည်။
ဒုခရိုင်ဦးစီးမှူးက စက်ဆီ ၊ ချောဆီနှင့် ဆက်စပ်ရေနံထွက်ပစ္စည်းများ တင်သွင်း ၊ ထုတ်လုပ် ၊ ဖြန့်ဖြူးရောင်းချခြင်းနှင့် စပ်လျဉ်း၍ အတုအပပြုလုပ်ခြင်း ၊ စျေးကွက်အတွင်း တရားမဝင် ဖြန့်ဖြူး ရောင်းချခြင်းတို့သည် စားသုံးသူကာကွယ်ရေး ဥပဒေကိုချိုးဖောက်ခြင်း ဖြစ်ပါကြောင်း ၊ ဆိုင်ရှင် လုပ်ငန်းရှင် များအနေဖြင့် မော်တော်ယာဉ်ပိုင်ရှင်များ စက်ဆီ ၊ ချောဆီနှင့် ဆက်စပ်ရေနံထွက်ပစ္စည်းများ သုံးစွဲရာတွင် အတုအပများ သုံးစွဲမှုမပြုစေရေးအတွက် ဆိုင်ရှင်လုပ်ငန်းရှင်များမှ တတ်နိုင်သလောက် ပညာပေးဆွေးနွေးရန် အကြံပြုပြောကြားခဲ့ကြောင်း သတင်းရရှိပါသည်။
DOCA(ပဲခူး)