ပဲခူးတိုင်းဒေသကြီး(အနောက်)၊ သာယာဝတီခရိုင်၊ ဇီးကုန်းမြို့နယ်ရှိကျေးရွာအချို့တွင် ဝဉများ စမ်းသပ်စိုက်ပျိုးရန် စိတ်ဝင်စားလာကြပြီး ယခုနှစ်မိုးအကျတွင် စိုက်ပျိုးရန် မျိုးဉများ ဝယ်ယူထားရှိမှုများအား တွေ့ရှိရပါသည်။
စိုက်ပျိုးရန်မျိုးဉများအား ဝယ်ယူပြင်ဆင်ထားသူ ဦးနိုင်လင်းထွန်းထံမှ ဝဉမျိုး ၁ပိဿာလျှင် ၁၅၀ဝိ/ ဖြင့် အောက်တိုဘာလလောက်တွင် ဝယ်ယူထားရှိပြီး ယခုကာလ (ဧပြီ)လတွင် မျိုးဉ တစ်ပိဿာစျေးနှုန်းမှာ (၃၅၀၀/) ကျပ်ပေါက်စျေးရှိပြီး ခြောက်သွေ့သော မျိုးဥများဖြစ်၍ အစို့ ၊ အညှောင့်များ ထွက်ရှိနေပါသည်။ မျိုးဥအလုံးများမှာ ၅ကျပ်သားမှ ၁၀ကျပ်သားခန့်ရှိ ဝဥမျိုးတွင် မျိုးဥနှင့် ရွက်သီးရှိိ၍ မြို့နယ် ၊ ဒေသအလိုက် မြေအနေအထားအရ ယခင်၂နှစ်ခန့်က စိုက်ပျိုးသူ (၂)ဦးထံမှ တစ်နှစ်လျှင် မျိုးဥစိုက်ပျိုးဖြစ်ထွန်းမှု ၅၀ ကျပ်သားမှ ၆၀ကျပ်သားအထိသာရှိပြီး ရွက်သီးများ အနည်းငယ်သီးလာကြောင်း ၊ စနစ်တကျစိုက်ပျိုးမှု ပုံစံမဟုတ်ဘဲ စပ်သပ်စိုက်ပျိုးမှုမှ ခြံဝန်းအတွင်း မြေလွတ်များ ၊ သစ်ပင်အရိပ်မြေအလွတ်များတွင် မျိုးဥ ၁၀ပိဿာခန့် စိုက်ပျိုးထားသော ၂နှစ်သားရှိ ဝဥများအား တွေ့ရှိရပြီး ယခုနှစ်တွင် တိုးချဲ့စိုက်ပျိုးရန် စိတ်ဝင်စားလာကြသူများမှ ပိဿာ၅၀ မှ ၁၀၀ ခန့်အထိ ဝယ်ယူထားပြီး ခြံမြေ ၊ မြေလွတ်များတွင် ဘောင်ဆွဲ၍ နည်းစနစ် ရှာဖွေစိုက်ပျိုးမည်ဖြစ်ကြောင်း သိရှိရသည်။
ဝဥများ စမ်းသပ်စိုက်ပျိုးရာတွင် စျေးကွက်ရှိပြီး သွင်းအားစုနည်း၍ အမြတ်ရှိကြောင်း စျေးကွက်ရှိ ဝဥများရောင်းဝယ်နေသူ ဒေသခံကုန်သည်တစ်ဦးထံမှ သိရှိရ၍ စိုက်ပျိုးရန် တောင်သူ (၄)ဦးခန့်မှ မိုးဦးကျကာလအချိန်တွင် စိုက်ပျိုးရန် ပြင်ဆင်ထားရှိိလျှက်ရှိပြီး ဝင်ငွေရ သီးနှံများကို လေ့လာရွေးချယ်၍ စိုက်ပျိုးလာကြသည့် အခြေအနေဖြစ်ကြောင်း သိရှိရပါသည်။
DOCA(ပဲခူး)