ပဲခူးတိုင်းဒေသကြီး၊ ပြည်ခရိုင်၊ ပြည်မြို့တွင် ယခုတန်ဆောင်မုန်းကာလ တန်ဆောင်မုန်းပဲသီးများကို ဈေးကွက်အတွင်းသို့ တင်ပို့ရောင်းချလျက်ရှိပါသည်။ တန်ဆောင်မုန်းပဲကို ဝါခေါင်လမှစတင်၍ စိုက်ပျိုးပြီး (၄)လအကြာ တန်ဆောင်မုန်းလတွင် အသီးများကို စတင်ခူးဆွတ်ရောင်းချကြပါသည်။ တန်ဆောင်မုန်းပဲသီးများကို မှော်ဇာ၊ တွင်းမြည်း၊ တောင်လုံးညို၊ ဇီးအုပ်၊ ပေါက်တော၊ မြောင်းငယ်လှ၊ ပေါက်ခေါင်းစသောဒေသများတွင် အဓိကထားစိုက်ပျိုးလျက်ရှိသည်။ ယခင်နှစ်ဈေးနှုန်းအနေဖြင့် တန်ဆောင်မုန်းပဲသီး (၈)တောင့်တစ်စည်းလျှင် ကျပ်(၃၀၀)မှ ကျပ်(၄၀၀)အထိရှိခဲ့ပြီး၊ ယခုနှစ်ဈေးနှုန်းမှာ (၈)တောင့်တစ်စည်းလျှင် (၅၀၀)ကျပ်မှ (၆၀၀)ကျပ်အထိရောင်းချလျက်ရှိကြောင်းသိရှိရပါသည်။
DOCA(ပဲခူး)