“ ကော့မှူးမြို့နယ်၌ မိုးစပါးများ စတင်ရိတ်သိမ်းခြွေလှေ့ခြင်း ”

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌ မိုးသီးနှံစိုက်ပျိုးရာသီတွင် (၂၀၂၄-၂၀၂၅) ဘဏ္ဍာနှစ် မိုးစပါးလျာထားစိုက်ဧက (၈၈၀၉၉)ဧကအား ဖြစ်ထွန်းအောင်မြင်စွာစိုက်ပျိုးနိုင်ခဲ့ကြောင်း မြို့နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှသိရှိခဲ့ရပြီး ယခုအချိန်တွင် လယ်ယာမြေများ စတင်ရိတ်သိမ်းခြွေလှေ့နေပြီဖြစ်ကြောင်းသိရသည်။
ကော့မှူးမြို့နယ်၌ မိုးရာသီဒေသခံတောင်သူများ သီးနှံဝင်ငွေတိုးပွားစေရန်နှင့် ပြည်တွင်းစားသုံးမှုဖူလုံစေရန်နှင့်ပြည်ပသို့တင်ပို့နိုင်ရေးအတွက်ရည်ရွယ်၍ တစ်မြို့လုံး မိုးစပါးသီးနှံလျာထားစိုက်ပျိုးမှုအနေဖြင့် စုစုပေါင်း(၈၈၀၉၉)ဧကအား ဖြစ်ထွန်းအောင်မြင်စွာစိုက်ပျိုးနိုင်ခဲ့ကြောင်းသိရသည်။ ယခုနှစ်မိုးရာသီစာစိုက်ပျိုးခဲ့သော မိုးစပါးသီးနှံစိုက်ခင်းများကို ဒေသခံတောင်သူများအနေဖြင့် အောက်တိုဘာလကုန်ပိုင်းကာလများတွင် စတင်ရိတ်သိမ်းခြွေလှေ့လျက်ရှိပြီး တစ်ဧက ပျမ်းမျှအထွက်နှုန်းအနေဖြင့် (၇၄.၆၄)တင်းထွက်ရှိကြောင်း စိုက်ပျိုးရေးဦးစီးဌာနစာရင်းအရသိရှိခဲ့ရပြီး ယခုကဲ့သို့ သီးနှံအထွက်နှုန်းကောင်းမွန်ရန်အတွက် စိုက်ပျိုးရေးဦးစီးဌာနက လိုအပ်သောစိုက်ပျိုးရေးနည်းပညာများကို ပူးပေါင်းကူညီဆောင်ရွက်ပေးခဲ့ကြသဖြင့် မိုးစပါးသီးနှံများကို ကောင်းမွန် စွာ၊ စိုက်ပျိုးဖြစ်ထွန်းအောင်မြင်စွာစိုက်ပျိုးနိုင်ခဲ့ပြီး ယခုအချိန်တွင် ရိတ်သိမ်းခြွေလှေ့စက်ကြီးများဖြင့် စတင်ရိတ်သိမ်းခြွေလှေ့နေပြီဖြစ်ကြောင်းသိရပါသည်။
DOCA(ရန်ကုန်)