ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်တွင် (၂၀၂၄-၂၀၂၅) ဘဏ္ဍာနှစ် မိုးစပါးစိုက်ပျိုးဧကမှာ (၁၅၃၆၁၀)ဧကဖြစ်ပါသည်။ ယခုအခါ ပုလဲ၊ ကံမြင့်၊ ပျဉ်းမကန်၊ ရဲနွဲ၊ အိဿယျ၊ သုံးခွအနောက်၊ စပါယ်ချောင်၊ ကြုံကြိတ်၊ ဆယ်ရွာ၊ သဒပ္ဗန၊ ဘုရားကြီး၊ ကျားဘို၊ ပတုပ်၊ ပုဂံတောင် စသည့် ကျေးရွာအုပ်စု(၆၄)အုပ်စုတွင် စိုက်ပျိုးထားသော မိုးစပါးများအား ရိတ်သိမ်းနေပြီဖြစ် ကြောင်း ယနေ့အထိ မိုးစပါးရိတ်သိမ်းမှုမှာ (၇၇၈၈၀)ဧကဖြစ်၍ တစ်ဧကပျမ်းမျှအတွက်နှုန်းအနေဖြင့် (၇၃.၁၂)တင်းဖြစ်ကြောင်း၊ ယခင်နှစ်တွင် မိုးစပါးစိုက်ပျိုးဧကမှာ (၁၅၃၆၁၄)ဧကဖြစ်ခဲ့ပြီး ကာလတူ ရိတ်သိမ်းပြီးစီးမှုမှာ (၃၄၅၉၁)ဧကဖြစ်၍ ပျမ်းမျှအထွက်နှုန်းအနေဖြင့် (၇၄.၄၄)တင်းဖြစ်ကြောင်း စိုက်ပျိုးရေးဦးစီးဌာနစာရင်းအရသိရှိရပါသည်။
ယခုနှစ် မိုစပါးရိတ်သိမ်းချိန်တွင် မိုးမကြာခဏရွာသွန်းမှုကြောင့် စပါးများထိခိုက်ပျက်စီးမှုမရှိသော်လည်း အထွက်နှုန်းအနေဖြင့် ယခင်နှစ်ထက် အနည်းငယ်လျော့နည်းလျက်ရှိကြောင်း စိုက်ပျိုးရေးဦးစီးဌာန၏ စာရင်းအရသိရှိရပါသည်။
DOCA(ရန်ကုန်)