ပဲခူးတိုင်းဒေသကြီးအတွင်းရှိ ဆီလုပ်ငန်းရှင်များမှ စားအုန်းဆီများ ဖြန့်ဖြူးရောင်းချပေးလျှက်ရှိပြီး စားအုန်းဆီများအား စားသုံးသူများ ၊ စားသောက်ဆိုင်များ ၊ ပဲကြော် ၊ အာလူးကြော်စသည့် အကြော်မျိုးစုံ လုပ်ငန်းများနှင့် မုန့်ဖုတ်လုပ်ငန်းများမှ ဝယ်ယူအသုံးပြုလျက်ရှိပါသည်။ စားအုန်းဆီ သုံးစွဲမှုအနေဖြင့် စားသုံးသူများ နေ့စဉ်ကြော်လှော်ချက်ပြုတ်ခြင်းနှင့် စားသောက်ဆိုင်များတွင် အသုံးပြုခြင်း ဖြင့် ပိဿာချိန် (၁၄၅၂၀၀၀) ခန့် ၊ စုစုပေါင်းသုံးစွဲမှု၏ ၅၀ % ရှိပြီး ပဲကြော် ၊ အာလူးကြော်၊ အကြော်မျိုးစုံ လုပ်ငန်းများတွင် ပိဿာချိန် (၄၃၅၆၀၀) ခန့် ၊ စုစုပေါင်း သုံးစွဲမှု၏ ၁၅ %ရှိပြီး မွန်ပြည်နယ်နှင့် ကရင်ပြည်နယ်များသို့လည်း ထပ်ဆင့်ရောင်းချမှုများ ပြုလုပ်ကြောင်း သိရှိရပါသည်။
စားအုန်းဆီသည် ကြော်လှော်ချက်ပြုတ် စားသောက်ရာတွင် အသုံးခံသည့် အခြေအနေများကြောင့် အခြေခံလူတန်းစားလူဦးရေ၏ ၄၀ %ခန့်မှာ စားအုန်းဆီသုံးစွဲပြီး အကြော်စုံလုပ်ငန်းများမှ အသုံးပြုပြီး ထွက်ရှိလာသော ဆီပမာဏ၏ ၅၀ % မှ ၇၀ %ခန့်ကို ဆပ်ပြာထုတ်လုပ်ရန်အတွက် ဒေသတွင်းနှင့် အခြားပြည်နယ်/ တိုင်းရှိ ဆပ်ပြာစက်ရုံများသို့ ရောင်းချလျှက်ရှိကြောင်း သိရှိရပါသည်။
DOCA(ပဲခူး)