“ကျေးရွာများသို့ အသိပညာပေးဆွေးနွေးခြင်းနှင့်ကုန်စုံဆိုင်များအား စျေးကွက်စောင့်ကြည့်စစ်ဆေးခြင်း”

          စားသုံးသူရေးရာဦးစီးဌာန၊ မကွေးခရိုင်၊ ချောက်မြို့နယ်ဦးစီးမှူး ဒေါ်မြတ်မြတ်မိုးနှင့် ဒေါ်ချိုဝေလွင် (ဒု-ဦးစီးမှူး)တို့သည် စိုက်ပျိုးရေးဦးစီးဌာန၊ ကျေးလက်ဒေသဖွံ့ဖြိုးရေးဦးစီးဌာနတို့နှင့်ပူးပေါင်းပြီး (၂၅.၄.၂၀၂၂) ရက်နေ့ နံနက်ပိုင်း(၈:၃၀)အချိန်တွင် ထိန်စမ်းကျေးရွာဓမ္မာရုံ၌လည်းကောင်း၊ နေ့လည်ပိုင်း(၁၄:၀၀)အချိန် တွင်ကံတောက်ချောင်း ကျေးရွာဘုန်းတော်ကြီးကျောင်းတွင်လည်းကောင်း၊ ကျေးလက်နေပြည်သူများအား မိမိဒေသတွင်းစားသုံးမှုဖူလုံယုံသာမက ပိုလျှံသည်အထိဖြစ်စေရေး ဆီထွက်သီးနှံနေကြာအား သီးညှပ် စိုက်ပျိုးကြရန်နှင့် ထိုသို့စိုက်ပျိုးရာတွင်လည်း သဘာဝဓါတ်မြေဩဇာများ ပြုလုပ်သုံးစွဲကြရန်၊ ဓါတုပိုးသတ်ဆေးများလျော့ချသုံးစွဲရန် စိုက်ပျိုးရေးဦးစီးဌာနက အသိပညာပေးဆွေးနွေးခဲ့ပြီး စားသုံးသူရေးရာဦးစီးဌာန၊ ချောက်မြို့နယ်ဦးစီးမှူး ဒေါ်မြတ်မြတ်မိုးက  စားသုံးသူအခွင့်အရေးနှင့်တာဝန်များ၊ တားမြစ်ချက်များနှင့် ကုန်ပစ္စည်းများဝယ်ယူရာ၌ သတိပြုရမည့် ကုန်အညွှန်းအမှတ်အသားများအကြောင်းကို အသိပညာပေးဆွေးနွေးခဲ့ကြောင်း သိရှိရပါ သည်။

          အသိပညာပေးဆွေးနွေးပြီးနောက် စားသုံးသူရေးရာဦးစီးဌာန၊ ကျေးလက်ဒေသဖွံ့ဖြိုး‌ရေးဦးစီးဌာန၊ စိုက်ပျိုးရေးဦးစီးဌာနမှ ဝန်ထမ်းများနှင့်ရပ်ကျေးအုပ်ချုပ်ရေးမှူးတို့ပူးပေါင်းပြီး ထိန်စမ်းကျေးရွာရှိ ကုန်စုံဆိုင်(၃)ဆိုင်နှင့် ကံ‌တောက်ချောင်းကျေးရွာရှိ ကုန်စုံဆိုင်(၂)ဆိုင်တို့တွင် ရောင်းချလျှက်ရှိသည့် **** အမှတ်တံဆိပ် ကျောက်ဖရုံယိုအား စျေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။ ထိုသို့ ဆောင်ရွက်ရာတွင် စားသုံးသူပြည်သူများအား စားသုံးကုန်၊ လူသုံးကုန်၊ အလှကုန်၊ ပစ္စည်းများ ဝယ်ယူသုံးစွဲရာတွင် လုံခြုံစိတ်ချရမှုရှိစေရန် ကုန်အညွှန်းအမှတ်အသားပြည့်စုံစွာဖော်ပြထားသည့် ကုန်စည်များကိုသာ ဆိုင်တင်ရောင်းချရန် သက်တမ်းကုန်နေသော အစားအသောက်၊ အချိုရည်များအား ရောင်းချခြင်း မပြုရန်၊ စားသုံးသူကာကွယ်ရေးဥပဒေ ၂၀၁၉ ပါ စားသုံးသူအခွင့်အရေးနှင့်တာဝန်များ၊ စီးပွားရေး လုပ်ငန်းရှင်၏တာဝန်များ၊ တားမြစ်ချက်များကို အသေးစိတ်အသိပေးရှင်းလင်းဆွေးနွေးခဲ့ပြီး သက်တမ်းလွန်နှင့် မြန်မာဘာသာဖြင့် ကုန်အညွှန်းအမှတ်အသား ပြည့်စုံမှုမရှိသော ကုန်စည်များအား ဆိုင်တင်ရောင်းချပါက ဥပဒေနှင့်အညီအရေးယူခံရမည်ဖြစ်ကြောင်း၊ ပြစ်မှုပြစ်ဒဏ်များအား အသေးစိတ် အသိပေးရှင်းလင်းဆွေးနွေးခဲ့ပြီး လက်ကမ်းစာစောင်များဖြန့်ဝေပေးခဲ့ပါသည်။

         စားသုံးသူရေးရာဦးစီးဌာနအနေဖြင့် စားသုံးသူပြည်သူများ လုံခြုံစိတ်ချမှုရှိစေရန်အတွက် မြို့‌ပေါ် စည်ပင်သာယာစျေးများ၊  ရပ်ကွက်/ကျေးရွာများရှိ  စတိုးဆိုင်၊ ကုန်စုံဆိုင်များနှင့် ထုတ်လုပ်သော လုပ်ငန်းခွင်အရောက်ကွင်းဆင်းစစ်ဆေးခြင်း၊ အသိပညာပေးခြင်းလုပ်ငန်းများကို အရှိန်အဟုန်မြင့်တင်ဆောင်ရွက်လျှက်ရှိပါကြောင်း သိရှိရပါသည်။=

DOCA(မကွေး)