တောင်ငူမြို့ ညောင်ပင်ဈေးသို့ အရပ်ဒေသအသီးသီးမှ ဒေသထွက်ကုန်များ၊ သစ်သီးဝလံများ လာရောက်ရောင်းချလျက်ရှိရာ ရှမ်းပြည်နယ်ထွက် စတော်ဘယ်ရီသီးများလည်း လူကြိုက်များ၍ ရောင်းအားကောင်းပါသည်။
စတော်ဘယ်ရီသည် မြန်မာနိုင်ငံတွင် ရှမ်းပြည်နယ်တောင်ပိုင်းနှင့် မန္တလေးတိုင်းဒေသကြီး ပြင်ဦးလွင်မြို့နယ်များတွင် အများဆုံးစိုက်ပျိုးကြသည်ဟု သိရှိရပါသည်။ စတော်ဘယ်ရီသီကို သွားရည်စာအဖြစ်လည်းကောင်း၊ ဖျော်ရည်အဖြစ်လည်းကောင်း အများဆုံးစားသုံးကြပါသည်။
ပေါ်ဦးပေါ်ဖျားဖြစ်သည့်အတွက် ၁၀ ကျပ်သားလျှင် ၃၀၀၀ ကျပ်မှ ၃၅၀၀ ကျပ်အထိ ရောင်းချလျက်ရှိပါသည်။ စတော်ဘယ်ရီသီးတွင် အဖြူသီးနှင့် အနီသီးဟူ၍ နှစ်မျိုးရှိပါသည်။ လူကြီးလူငယ်မရွေး ကြိုက်နှစ်သက်သဖြင့် ရောင်းအားကောင်းကြောင်း ညောင်ပင်ဈေးရှိ သစ်သီးဆိုင်များမှ သိရပါသည်။
DOCA(ပဲခူး)