ကျေးလက်ဒေသများတွင် ပိန်းဥကို ခြံဝင်းကျယ်ကျယ်အတွင်း မြေကွက်လပ်တွင် စိုက်ပျိုးကြပါသည်။ ပိန်းဥ ရေစိမ့်ဝင်မှုအားကောင်းသော မြေမျိုးကို နှစ်သက်ပါသည်။ မိုးဦးကျကာလတွင် စိုက်ပျိုးပြီး မိုးရာသီကုန်လျှင် ပိန်းဥများပေါ်ပြီဖြစ်ပါသည်။
ပိန်းဥသည် ပိုတက်စီယမ်နှင့် အခြားသတ္ထုဓါတ်ပါဝင်သည့်အပြင် အမျှင်ဓါတ်လည်းပါဝင်သဖြင့် ကျန်းမာရေးကို အထောက်အကူပြုပါသည်။ စနစ်တကျ ချက်ပြုတ်၍ နူးအိ၍ အလွန်စားကောင်းသော ဥတစ်မျိုးဖြစ်ပါသည်။
ယခင်နှစ် ပိန်းဥပေါ်ချိန်တွင် တစ်ပိဿာလျှင် ၂၈၀၀ ကျပ်မှ ၃၅၀၀ ကျပ်အထိရှိပြီး ယခုနှစ် ပိန်းဥပေါ်ချိန်တွင် ပိန်းဥတစ်ပိဿာလျှင် ၃၅၀၀ ကျပ်မှ ၄၀၀၀ ကျပ်အထိ ရှိကြောင်း ဖြူးမြို့မဈေးအတွင်းရှိ ပိန်းဥအရောင်းဆိုင်များမှ သိရပါသည်။
DOCA(ပဲခူး)