ပြည်မြို့နယ်အနီးတစ်ဝိုက်ရှိရွာများဖြစ်သော ပျဉ်းပင်ကိုင်းရွာ၊ အောင်မြေရွာ၊ မြေပဒေသာရွာများတွင် ကီလိုမာလကာသီးများ ခြံမြေရှိသလောက်စိုက်ပျိုးကြပြီး တစ်ဦးလျှင် (၂) ယောက်စိုက်၊ ၃ယောက်စိုက်၊ ၁ဧက၂ဧက စသဖြင့် စိုက်ပျိုးကြောင်း ပျဉ်းပင်ကိုင်းရွာရှိ တောင်သူ ဒေါ်တင်တင်ညို၏ ပြောကြားချက် အရသိရပါသည်။ ကီလိုမာလကာပင် ၁ဧကလျှင် နေ့စဉ်အလုံး ၁၀၀၀ခန့် ဆွတ်ခူးရ ကြောင်းလည်းသိရပြီး ပြည်ဈေးကွက်သို့ အလုံးအကြီး၊ အသေးအရော(၆၀၀-၇၀၀)ခန့် နေ့စဉ်အဝင်ရှိနေသည်။ ဈေးနှုန်းမှာ အလုံးချောတစ်လုံးလျှင် (၅၀၀-၆၀၀)ကျပ်နှုန်း၊ အလတ် (၃၅၀-၄၀၀)ကျပ်နှုန်း၊ အသေး (၂၀၀-၂၅၀)ကျပ်နှုန်းတို့ဖြင့် အသီးသီးရောင်းချလျက်ရှိပြီး ဝင်ရောက်မှုရဲ့အားလုံးနီးပါးခန့် အရောင်းအဝယ်ဖြစ်လျက်ရှိသဖြင့် အကျိုးအမြတ်အနေနှင့် နေ့စဉ် (၇၀၀၀-၈၀၀၀)ကျပ် ရရှိကြောင်း သိရှိရပါသည်။
DOCA(ပဲခူး)