စားသုံးသူပြည်သူများ ဘေးဥပါဒ်အန္တရာယ်ကင်းရှင်းစေရန် ရည်ရွယ်၍ စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူး၊ ဒု-ခရိုင်ဦးစီးမှူးနှင့် ဝန်ထမ်း(၃)ဦးသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်အတူ မေလ ၄ ရက်နေ့တွင် စစ်ကိုင်းမြို့ပေါ်ရှိ ဆီစက်နှင့်တွဲလျက် ဆီအရောင်းဆိုင်(၅)ဆိုင်သို့ ကွင်းဆင်း၍ ဈေးနှုန်း/ ဈေးကွက် အခြေအနေများအား ကွင်းဆင်းစစ်ဆေးခဲ့ပါသည်။ ခရိုင်ဦးစီးမှူး ဒေါ်သန်းသန်းတင်က စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အသိပေးကြေညာချက်ဖြစ်သည့် စားအုန်းဆီများ ဖြန့်ဖြူးသယ်ဆောင်ရာတွင် ၂၀၂၂ခုနှစ် မေလ ၁ရက်နေ့မှ စတင်အကောင် အထည်ဖော်ဆောင်ရွက်မည့် ဆီကုန်သည်များနှင့် ဆီလုပ်ငန်းရှင်များက ရန်ကုန်ဆီသိုလှောင်ကန်များမှ ဆီများကို ထုတ်ယူရာတွင် သတ်မှတ်ထားသည့် အဝါရောင် ပီပါအသစ် (သို့မဟုတ်) သန့်စင်ဆေးကြောပြီး အဝါရောင်ပီပါများဖြင့်သာ ထုတ်ယူခွင့်ပြုကြောင်း အသိပေးကြေညာချက်ကို ဆီလုပ်ငန်းရှင်များသို့ အသိပေးပြီး၊ နေပြည်တော်ရုံးချုပ်မှ ပေးပို့သည့် အသိပေးကြေညာချက်ကို လက်ကမ်းစာစောင်အဖြစ် ဖြန့်ဝေပေးခဲ့ကြောင်း သိရှိရပါသည်။
DOCA(စစ်ကိုင်း)