ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်ရှိ ရပ်ကွက်ကျေးရွာများ တွင်အုန်းပင်များကို ဧကအလိုက် စိုက်ပျိုးခြင်းမရှိဘဲ အိမ်ခြံဝန်းများအတွင်းမှာသာ နှစ်ပင်၊ သုံးပင်ခန့် စိုက်ပျိုးကြပါသည်။ မြို့နယ်ဈေးကွက်အတွင်း ဒီဇင်ဘာလတတိယပတ်အတွင်း ရောင်းချနေသာ အုန်းသီးဈေးနှုန်းများမှာ သာသနာပွဲ ၊ နတ်ပွဲ၊ ကန်တော့ပွဲများနှင့် အလှူမင်္ဂလာပွဲများတွင် အသုံးပြုသော ကြွက်မီး အလှပါအုန်းသီးစိမ်းအကြီး တစ်လုံးကို (၅၅၀၀)ကျပ်၊ အလတ်တစ်လုံး (၄၅၀၀)ကျပ်၊ အသေးတစ်လုံးကို အနည်းဆုံး (၄၀၀၀)ကျပ်နှုန်း ဖြင့်ရောင်းချလျှက်ရှိပါသည် မြန်မာမုန့်များတွင် ထည့်သွင်းအသုံးပြုသော အုန်းသီးအခြောက် ဈေးနှုန်းမှာတစ်လုံးလျှင် (၄၀၀၀)ကျပ်၊ အုန်းသီးအနုအရည်သောက် ဇွန်းခြစ်တစ်လုံးဈေးနှုန်းမှာ (၃၅၀၀)ကျပ်နှုန်းဖြင့် ရောင်းချနေကြောင်း သိရှိရပါသည်။
DOCA(ပဲခူး)