ပဲစိတ်တိုသီးနှံသည် မိုးနှောင်းကာလတွင်စိုက်ပျိုး၍ ဆောင်းဦးပေါက်ရာသီမှသာပေါ်၍ ရာသီပေါ် သီးနှံဟု ပြောဆိုခြင်းဖြစ်ပါသည်။ ပဲမျိုးရင်းသီးနှံဖြစ်သော်လည်း စင်ပြုလုပ်၍ စင်တင်ပေးရသော သီးနှံဖြစ်သောကြောင့် စီးပွားဖြစ် စိုက်ပျိုးမှုနည်းပါး၍ သီးနှံထွက်ရှိမှု နည်းပါးပါသည်။ အသီးသီးပွင့်ချိန်တွင် အသီးအပွင့်မကောင်းကြောင်းပြောကြားလျှင် အသီးမကင်းသောကြောင့် ပဲစိတ်တိုပင်ဟု ခေါ်ဆိုကြောင်းသိရပါသည်။
ပဲစိတ်တိုစိုက်ပျိုးရာတွင် မျိုးစေ့နှင့်သွင်းအားစုစရိတ်မှာ ကုန်ကျမှုသိပ်မရှိပဲ စင်ပြုလုပ်ပေး ရသည်။ ကုန်ကျစရိတ်မှာ အဓိကဖြစ်နေပါသည်။ ဥပမာ-၁၀ပေပတ်လည် စင်စိုက်မည်ဆိုလျှင် (ဥပမာ-မျိုး=၃၀၀၀+ဆေး=၁၀၀၀၀+စင်=၃၀၀၀၀) လေးသောင်းကျော်ခန့်ကုန်ကျမည်ဖြစ်ပါသည်။ သို့သော်လည်း ယခုလို ဆောင်းဦးပေါက်ကာလတွင် ပဲစိတ်တိုရာသီပေါ်ဖြစ်သည့်အတွက် ဈေးကောင်းရရှိပါသည်။ ယခုဒီဇင်ဘာလ နောက်ဆုံးပတ်တွင် ပဲစိတ်တို နို့ဆီဘူး(၁)ဘူးလျှင် ၁၅၀၀ကျပ်ဈေးရှိ၍ (၁၀)ပေပတ်လည်(၁) စင်လျှင်(၁)တင်းခန့်ထွက်ရှိ၍ (၂)သိန်းကျပ် ဝင်ငွေရရှိကြောင်းသိရပါသည်။ ကုန်ကျစရိတ်အရင်းနှုတ်လျှင် (၁)သိန်းခွဲခန့် အမြတ်အစွန်း ရရှိသည့်အတွက် တွက်ချေကိုက်သောရာသီပေါ်သီးနှံတစ်မျိုး ဖြစ်ပါသည်။
ပဲစိတ်တိုပင်သီးနှံကိုတန်ဖိုးမြင့်ထုတ်ကုန်အဖြစ် အသုံးချမှုမျိုးကိုမတွေ့ရှိရပဲ၊ထမင်းစားပွဲအ တွက် ဟင်းတစ်မယ်အဖြစ်သာစားသုံးကျသည်ကိုသာတွေ့ရှိရပါသည်။ အခြားအရပ်ဒေသသို့ တင်ပို့ ရောင်းချမှု့မှာလည်းနည်းပါးလှပေသည်။ သို့သော်လည်းတွက်ချေကိုက်သည့် သီးနှံဖြစ်သည့်အတွက် တောင်သူများရိုးရာမပျက်စိုက်ပျိုးရောင်းချလျက်ရှိပါကြောင်း လေ့လာသိရှိရပါသည်။
DOCA(ပဲခူး)