စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ် ပတ်ဝန်းကျင်အနီးတဝိုက်ရှိ ကျေးရွာများနှင့် မြို့ပေါ်ရပ်ကွက်များရှိ ပြည်သူများသည် မိမိတို့ ယာကွက်များအတွင်းနှင့် အိမ်ခြံဝင်း များအတွင်းတွင် စားပင်သီးပင်များကို မိသားစု စားဝတ်နေရေးအဆင်ပြေစေရန်နှင့် အပိုဝင်ငွေ ဗူးသီးကို စိုက်ပျိုးကြပါသည်။ ဗူးသီးပင်သည် နွယ်ပင်အမျိုးအစားဖြစ်သည့်အတွက် စင်ထိုးပြီး စိုက်ပျိုးကာ မြေအောက်ရေတင်စနစ်ဖြင့်စိုက်ပျိုးရသော အပင်မျိုးလဲဖြစ်ပါသည်။
ဗူးသီးကို မိမိတို့ကြိုက်နှစ်သက်သည့် ပုံစံအမျိုးမျိုးဖြင့် ချက်စားနိုင်ခြင်း၊ ဗူးသီးနှင့် ဆူးပုတ်ရွက်ချက်စားခြင်း၊ ဗူးသီးဟင်းခါးချက်စားခြင်း၊ ဗူးသီးကိုပြုတ်ပြီး ငပိရည်နှင့် တို့စားခြင်း၊ ချဉ်ရည်ကျိုစားရာတွင်အသုံးပြုခြင်းနှင့် သီးစုံဟင်းချက်ရာတွင်လည်း အသုံးပြုကြပါသည်။
ယခု ၂၀၂၄ ခုနှစ်၊ ဒီဇင်ဘာလ တတိယပတ်အတွင်း ဖြစ်ပေါ်နေသော ကန့်ဘလူမြို့၏ ဗူးသီး ဈေးနှုန်းများမှာ ဗူးသီးအလုံး အကြီး/အသေး ပေါ်မူတည်၍ ဗူးသီး(အကြီး)တစ်လုံးလျှင်(၃၀၀၀) ကျပ်၊ ဗူးသီး (အလတ်)တစ်လုံးလျှင်(၂၅၀၀)ကျပ်နှင့် ဗူးသီး(အသေး)တစ်လုံးလျှင် (၂၀၀၀)ကျပ် ဈေးနှုန်းများဖြင့် ရောင်းချလျက်ရှိကြောင်း ကန့်ဘလူမြို့မဈေး ကုန်စိမ်းသီးနှံမျိုးစုံ ရောင်းချနေသော ဈေးသည်တစ်ဦးထံမှ သတင်းရရှိပါသည်။
DOCA(စစ်ကိုင်း)