မအူပင်ခရိုင်၊ ပန်းတနော်မြို့နယ်တွင် ဆောက်လုပ်ရေးလုပ်ငန်းများအတွက် လိုအပ်သောဘိလပ်မြေကို ရန်ကုန်တိုင်းဒေသကြီးမှ မှာယူတင်သွင်းကြပြီး ဆောက်လုပ်ရေးသုံးပစ္စည်းများကိုလည်း မှာယူတင်သွင်းရောင်း ချကြပါသည်။ (၂၀.၁၂.၂၀၂၄) ဖြစ်ပေါ်နေသော ပန်းတနော်မြို့နယ်ရှိ ရောင်းချနေသော ဘိလပ်မြေဈေးနှုန်းများမှာ ကြံဘိလပ်မြေ တစ်အိတ်လျှင် (၁၄၀၀၀)ကျပ်၊ ကြံဘိလပ်မြေ ပျက်လပ်မှုမရှိပဲ လိုချင်သလောက်ဝယ်ယူမရပဲ အလှည့်ကျမှာယူရောင်းချ၍ရကြောင်း၊ အယ်ဖာ တစ်အိတ်လျှင် (၁၆၀၀၀)ကျပ် ပြတ်လပ်မှုမရှိ မှာယူဝယ်ယူ၍ ရရှိကြောင်းနှင့် ဆင်မင်း တစ်အိတ်လျှင် (၁၄၀၀၀) ကျပ်ဖြစ်ပြီး ယခင် နိုဝင်ဘာလ ဈေးနှုန်းနှင့် နှိုင်းယှဉ်ကြည့်လျှင် ဈေးနှုန်းတက်ခြင်းမရှိပဲ တည်ငြိမ်လျက်ရှိနေကြောင်း ပန်းတနော်အိမ်ဆောက်ပစ္စည်း အရောင်းဆိုင်တစ်ဆိုင်ထံမှ သိရှိရပါသည်။
DOCA(ဧရာဝတီ)