ပုသိမ်ခရိုင်၊ သာပေါင်းမြို့နယ် ဒေသထုတ်ကုန်တစ်ခုဖြစ်သည့် ဘူးစိုက်ပျိုးခြင်း လုပ်ငန်းဖြစ်သည့် ကွမ်းခြံကုန်းကျေးရွာ ဒေါ်အုန်းထွေး၏ ဘူးစိုက်သည့်လုပ်ငန်းအခြေအနေအား စားသုံးသူရေးရာဦးစီး ဌာနမှ ကွင်းဆင်းမေးမြန်းခဲ့ရာ ဘူးစေ့မျိုးများကို မြို့ပေါ်ရှိမျိုးစေ့ဆိုင်များမှ ဝယ်ယူစိုက်ပျိုးခြင်း ဖြစ်ပါ သည်။
ဘူးစေ့များကို မြောင်းဆွဲ၍ ဘူးစေ့များ တစ်မြောင်းလျှင် ၈ စေ့ခန့်ထည့်၍ ၂ စေ့ခြားဆီစိုက်ပျိုးပြီး (၃) ရက်ခန့်ကြာလျှင် အညှောင့်ထွက်၍ (၁၀) ရက် (၁၅) ရက်ကြာလျှင် အပင်ရှည်ထွက်လာပြီး တစ်လခွဲလျှင် အသီးအပွင့်များ ထွက်လာပါသည်။ ဘူးပင်စိုက်ပျိုးသည့် အလုပ်သမား (၂) ယောက်ခန့်လိုအပ်ပြီး ဘူးသီး (၁) လုံးလျှင် ၂၅၀၀ ကျပ်အထိ ရောင်းချလျက်ရှိပါသည်။
ကုန်ကျစရိတ်နည်းပါး၍ ဝင်ငွေကောင်းသော ဘူးပင်သည် အိမ်တစ်အိမ်မိသားစုတစ်စု၏ မီးဖိုချောင်ဝင်ငွေရရှိစေပြီး ဒေသခံတွေဝယ်ယူစားသောက်ရာတွင်လည်း အဆင်ပြေသည့်အပြင် စီးပွားဖြစ်စိုက်ပျိုး၍လည်း နီးစပ်ရာမြို့နယ်များသို့ တင်ပို့ရောင်းချလျက်ရှိကြောင်း သိရှိရပါသည်။
DOCA(ဧရာဝတီ)