မုန့်ညှင်းပင်ကို ဟင်းသီးဟင်းရွက်အဖြစ် လူသိများကြပြီး ဝါတွင်းကာလ မြန်မာပြည်တွင် ဒေသမရွေး စိုက်ပျိုးနိုင်သည်။အေးသောဒေသကိုပို၍ နှစ်သက်သည်။မုန့်ညှင်းရွက်ကို ကြော်၊ လှော်၊ ချက်၊ ပြုတ်စားသုံးရာတွင် အခြားသော သားငါး၊ အသီးအရွက်တို့နှင့် ရော၍လည်း စားသုံးနိုင် သည်။မုန့်ညှင်းချဥ်သည် မြန်မာလူမျိုးများတို့ အထူးနှစ်သက်သော တို့စရာထဲတွင်ပါဝင်သည်။
မုန့်ညှင်းရွက်သည် မြေမရွေးသော်လည်း မြေဆီသြဇာ ပြည့်စုံမှုရှိရန် အထူးအရေးကြီးသည်။ မြေညံ့ပါက နောက်ချေး၊ မြေဆွေးများများ ထည့်ပေးရန်လိုသည်။ရေမဝပ်သောမြေဖြစ်ပါက ပို၍သင့် တော်သည်။မိုးနည်းသောအချိန်ကို ရွေးစိုက်နိုင်မှသာလျှင် ရောဂါကျခြင်းမှ ကာကွာနိုင်သည်။မစိုက် ပျိုးမီ (၃/၄)ပတ်အလိုတွင် မြေပြုပြင်ရန်လိုသည်။မြေမပြင်မီ နွားချေးနှင့် မြေဆွေးချပြီးမှ ထွန်ထယ် ဝင့် သင့်သည်။ရေဝပ်ပါက ဘောင်တင်၍ စိုက်သင့်သည်။မုန့်ညှင်းကို မြန်မာပြည်တွင် မေလမှ ဒီဇင်ဘာလအထိ စိုက်ပျိုးနိုင်သည်။စိုက်ချိန်တွင် မြေအစိုဓါတ်လုံလောက်စွာ ရရှိနေရန် အရေးကြီး သည်။စိုက်ပြီး (၂၅-၃၀)ရက်ကြာသော် မုန့်ညှင်းရွက်များကို စားသုံးနိုင်ပြီးဖြစ်သည်။
တနင်္သာရီတိုင်းဒေသကြီး၊ ထားဝယ်မြို့ရှိ၊ ကမ်းနားပျံကျစျေးတွင် ရောင်းချနေသော ကုန်စိမ်း သည်များထံမှ မုန့်ညှင်းစျေးနှုန်း (၅၀၀-၇၀၀)ကျပ် ရှိကြောင်း သိရှိရသည်။
DOCA(တနင်္သာရီ)