တောင်ငူမြို့၏ ထုတ်ကုန်များထဲမှ တစ်ခုအပါအဝင်ဖြစ်သော ဖိုးလမင်း ကော်ဖီမှုန့်သည် အနံ့အရသာနှင့် ပြည့်စုံပြီး လူကြိုက်များလှသည့် ကော်ဖီမှုန့်အမျိုးအစားတစ်ခုဖြစ်သည်။ ဖိုးလမင်း ကော်ဖီမှုန့်ကို တောင်ငူမြို့ အမှတ်(၁)၊ ၆ လမ်း၊ ၁၄ရပ်ကွက်တွင်ထုတ်လုပ်ပြီး တောင်ငူမြို့ အပါအဝင် မြန်မာတစ်နိုင်ငံလုံးသို့ ဖြန့်ဖြူးရောင်းချလျက်ရှိပါသည်။
တောင်ငူမြို့တွင် လူကြိုက်များပြီး ဈေးနှုန်းလည်းအသင့်အတင့်ဖြစ်ကာ ရောင်းအားကောင်းသော Brand တစ်ခုလည်း ဖြစ်ပါသည်။ ဖိုးလမင်းကော်ဖီမှုန့်ကို ၁၀၀ ရာခိုင်နှုန်း ကော်ဖီမှုန့်များဖြင့် ထုတ်လုပ်ထားပြီး မည်သည့်အရောအနှောမှ မပါဝင်ကြောင်း သိရပါသည်။
သကြား၊ နို့ဆီ၊ နွားနို့များဖြင့်ရောစပ်ပြီး သုံးမိနစ် လေးမိနစ်ခန့် နှပ်ထားကာ အသင့်သောက်သုံးနိုင်ကြောင်း၊ အနံ့၊ အရသာထူးခြားကောင်းမွန်ကြောင်း၊ ၂၀၂၄ခုနှစ် ဇွန်လအစောပိုင်း တွင် ရောင်းချသောဈေးနှုန်းမှာ ၁၀ ကျပ်သား တစ်ထုပ်လျှင် ၅၀၀၀ ကျပ်ရှိကြောင်း သိရှိရပါသည်။
DOCA(ပဲခူး)