နံနံပင်သည်အရွက်နှင့် အရိုးများကိုပါစားသုံးနိုင်သော ဟင်းရွက်ဖြစ်ပါသည်။ အရွက်များခူးယူပြီး အပင်ကို နှုတ်မပစ်ဘဲဆက်၍ထားပါကမျိုးစေ့ရနိုင်ပါသည်။ အလွန်မအေးသော ပူနွေးသော ရာသီဥတုကို ကြိုက်နှစ်သက်ပါသည်။ အလွန်အေးသောနေရာများတွင် စိုက်ပျိုးပါကဖြစ်ထွန်းမှု နှေးနိုင်ပါသည်။ မျိုးစေ့များစိုက်သည့်အခါ အပူချိန်(၅၅)ဒီဂရီဖာရင်ဟိုက်ထက် နိမ့်လျှင်အပင်ပေါက်နည်း တတ်ပါသည်။ ပူနွေးသောရာသီကိုကြိုက်သောသီးနှံဖြစ်သည့်အတွက် အပူချိန်သင့်တင့်သောရာသီများတွင် စိုက်ပျိုးနိုင်ပါသည်။ ထို့ကြောင့် ပြည်မြို့အနီးတဝိုက်ရှိ ကျေးရွာများတွင် အများအပြားစိုက်ပျိုးကြပြီး ပြည်မြို့ရှိဈေးကွက်သို့ လာရောက်ရောင်းချ ကြကြောင်းသိရပါသည်။ ပြည်ဈေးကွက်မှတစ်ဆင့် ရန်ကုန်မြို့ရှိ ကုန်စိမ်းဈေးကွက်များအပြင် အနီးတဝိုက်ရှိ နယ်မြို့များသို့လည်း တင်ပို့ရောင်းချကြောင်း သိရပါသည်။ ယခင်က နံနံပင် ၁စည်းလျှင် (၁၀၀)ကျပ် နှုန်းရှိရာ ယခုအခါတွင်၃စည်းလျှင် (၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။
DOCA(ပဲခူး)