ရှမ်းပြည်အောင်ပန်းမှ ပြည်ပွဲရုံများသို့ အရည်အသွေးကောင်းသောအာလူးများ ဆက်တိုက် ဝင်ရောက်လျက်ရှိပါသည်။ အာလူးအိတ်များမှာ ကြီး၊ လတ်၊ သေး အလိုက်ဝင်ရောက်ပြီး အလုံးလှ ကာ အရည်အသွေးကောင်းသောကြောင့် အာလူးအရောင်းအဝယ်သွက်နေ ကြောင်းသိရပါသည်။ အာလူးနှင့်ပတ်သက်သော အကြော်နှင့်မုန့်လုပ်ငန်းအရောင်းအဝယ်သမားတို့ အများဆုံးဝယ်ယူနေပြီး လက်လီဈေးများတွင်လည်း အရောင်းအဝယ်ကောင်းနေတာတွေ့ရပါသည်။ ပြည်ဈေးကွက် တွင်ရောင်းချသော အာလူးဈေးနှုန်းများမှာ (ပွဲရုံဈေး) တစ်ပိဿာလျှင် (၅၅၀၀-၆၅၀၀)ကျပ် ဈေးဖြစ်ပြီး၊ လက်လီဈေးမှာ (၈၀၀၀-၁၀၀၀၀)ကျပ်ဈေးတို့ဖြင့် ရောင်းဝယ်လျက်ရှိနေပါသည်။ ဈေးနှုန်းလည်းသင့်ပြီး၊ အမျိုးအစားကောင်းအာလူးများဖြစ်သောကြောင့် ပွဲရုံများတွင်အာလူး အရောင်းအဝယ်များကောင်းကြောင်း သိရှိရပါသည်။
DOCA(ပဲခူး)