အင်ဒိုနီးရှားနိုင်ငံမှ ပရိဘောဂနှင့်လက်မှုပစ္စည်းများ ကမ္ဘာ့စျေးကွက်သို့တင်ပို့မှုတန်ဖိုးသည် ၂၀၂၄ ဇန်နဝါရီမှနိုဝင်ဘာလအတွင်း အမေရိကန်ဒေါ်လာ ၂.၂၂ ဘီလီယံအထိရောက်ရှိခဲ့ကြောင်း အင်ဒိုနီးရှားကုန်သွယ်ရေးဝန်ကြီး Budi Santoso မှ ၂၃.၁.၂၀၂၅ ရက်နေ့က ထုတ်ပြန်ကြေညာခဲ့ သည်။ ဤအောင်မြင်မှုသည် ကမ္ဘာ့ဝယ်လိုအား ၁၅.၀၉ ရာခိုင်နှုန်းတိုးလာခြင်းကြောင့်ဟု ဝန်ကြီးမှ သုံးသပ်ခဲ့သည်။ ကမ္ဘာ့ပရိဘောဂနှင့်လက်မှုပစ္စည်းဝယ်လိုအားဆက်လက်တိုးတက်နေမှုအား အားရ ကြောင်း ၎င်းကဆက်လက်ပြောကြားခဲ့သည်။ Budi ၏ အဆိုအရအင်ဒိုနီးရှားသည်အမေရိကန်၊ ဂျပန်၊ နယ်သာလန်၊ ဂျာမနီနှင့် ဘယ်လ်ဂျီယံတို့တွင် ဝယ်လိုအားတောင့်တင်းသောထုတ်ကုန်များဖြင့် ကမ္ဘာ တစ်ဝှမ်း ပရိဘောဂတင်ပို့မှုမှာ ယခုနှစ်အတွက်နိုင်ငံ၏ စုစုပေါင်းပို့ကုန်တိုးတက်မှု ၇.၁ ရာခိုင်နှုန်းသို့ ရောက်ရှိရန်ဟူသော ရည်မှန်ချက်ကိုများစွာအထောက်အကူပြုမည်ဟု အကောင်းမြင်ကြောင်း ဝန်ကြီး Budi Santoso မှ ဆက်လက်ပြောကြားခဲ့သည်။
DOCA(ရန်ကုန်)