“ သန်လျင်မြို့နယ်၌ ယခုဆောင်းသီးနှံ စိုက်ပျိုးရာသီတွင် ပဲတီစိမ်း ၄၆၇၂၆ ဧက စိုက်ပျိုးနိုင်ခဲ့ပြီး သီးနှံများဖြစ်ထွန်းအောင်မြင်လျက်ရှိ ”

              ရန်ကုန်တိုင်းဒေသကြီး သန်လျင်မြို့နယ်၌ ယခုဆောင်းသီးနှံစိုက်ပျိုးရာသီတွင် ပဲတီစိမ်း ၄၆၇၂၆ ဧက စိုက်ပျိုးနိုင်ခဲ့သဖြင့် ၂၀၂၄-၂၀၂၅ ခုနှစ် ဆောင်းသီးနှံပဲတီစိမ်းလျာထားချက် ပြည့်မီအောင် စိုက်ပျိုးနိုင်ခဲ့ပြီး စိုက်ပျိုးထားသည့် သီးနှံများဖြစ်ထွန်းအောင်မြင်လျက်ရှိကြောင်း သိရသည်။

            သန်လျင်မြို့နယ်၌ ယခုဆောင်းသီးနှံစိုက်ပျိုးရာသီတွင် ပဲတီစိမ်းလျာထား ၄၆၇၂၆ ဧကကို ၂၀၂၄ ခုနှစ်၊ နိုဝင်ဘာလမှ စတင်စိုက်ပျိုးခဲ့ရာ လက်ရှိအချိန်တွင် လျာထားဧက ပြည့်မီ အောင် စိုက်ပျိုးနိုင်ခဲ့ပြီး စိုက်ပျိုးရေးအဆင်ပြေတဲ့အတွက် စိုက်ပျိုးထားသော ပဲတီစိမ်းစိုက်ခင်းတွေ အောင်မြင်ဖြစ်ထွန်းမှုရှိပြီး ပဲတီစိမ်းစိုက်ခင်းတွေ အထွက်နှုန်းတိုးတက်စေရေး အပင်အားဆေးနဲ့ မြေဩဇာစနစ်တကျ သုံးစွဲတတ်အောင် ပိုးမွှားအန္တရာယ်ကင်းရှင်းစေရေး ကြိုတင်ကာကွယ်နှိမ်နင်းရေးလုပ်ငန်းတွေ ထိထိရောက်ရောက်ဆောင်ရွက် နိုင်အောင် လိုအပ်တဲ့ တောင်သူအသိပညာပေးတာတွေ၊ ပဲတီစိမ်းစိုက်ပျိုးတောင်သူများကို အထွက်နှုန်းတိုးတက်ကောင်းမွန်စေရန် ဒေသနှင့် ကိုက်ညီသော မျိုးကောင်းမျိုးသန့်များ ရွေးချယ်စိုက်ပျိုးနိုင်ရေး၊ ပိုးမွှား ရောဂါမကျရောက်စေရန် ကြိုတင်ကာကွယ်နှိမ်နင်းရေး၊ စိုက်ပျိုးရေးသွင်းအားစုများ မှန်ကန်စွာ သုံးစွဲတတ်စေရေး စသည့်စိုက်ပျိုးရေးဆိုင်ရာ ဆက်စပ်ဌာနများနှင့် ပူးပေါင်း ဆောင်ရွက်ခဲ့ခြင်းကြောင့် စိုက်ပျိုးထားသော ပဲတီစိမ်းသီးနှံများဖြစ်ထွန်းအောင်မြင်လျက် ရှိကြောင်း သိရသည်။

DOCA(ရန်ကုန်)