မြင်းခြံခရိုင်သည် ပူပြင်းခြောက်သွေ့ပြီး မိုးနည်းရပ်ဝန်းဖြစ်သည့်အတွက် မိုးစပါးစိုက်ပျိုးရာတွင် သဘာဝမိုးကိုမျှော်ကာ မိုးကောင်းသောက်စနစ်ဖြင့် စိုက်ပျိုးကြသကဲ့သို့ စိုက်ပျိုးရေးအတွက် ဆည်မြောင်းများ အသင့်အတင့်ရှိသဖြင့် ဆည်ရေသောက်ဧရိယာများတွင်လည်း စိုက်ပျိုးလျက်ရှိသည်။
၂၀၂၄-၂၀၂၅ခုနှစ်တွင် မြင်းခြံခရိုင်ချုပ်အနေဖြင့် မိုးစပါးလျာထားဧက(၁၉၈၃၃)ဧကအနက် ရာနှုန်းပြည့်စိုက်ပျိုးခဲ့ပြီး ဧကအားလုံးရိတ်သိမ်းပြီးဖြစ်ကြောင်းနှင့် ယခင်နှစ်ထက် (၄၇၈၉)ဧက ပိုမို ရိတ်သိမ်းနိုင်ခဲ့ကြောင်း၊ အထွက်တင်းပေါင်း(၁၃၅၆၉၇၃)တင်းထွက်ရှိပြီး ယခင်နှစ်ထက် (၃၃၃၄၃၇) တင်း ပိုမိုထွက်ရှိကြောင်း သိရှိရသည်။ မြင်းခြံခရိုင်အတွင်း မြို့နယ်အလိုက် မိုးစပါး စိုက်ပျိုးထွက်ရှိမှု အနေဖြင့် မြင်းခြံမြို့နယ်တွင် (၃၃၄၅)ဧက စိုက်ပျိုးရိတ်သိမ်းခဲ့ပြီး အထွက်တင်းပေါင်း (၂၇၅၉၂၉)တင်း၊ တောင်သာမြို့နယ်တွင် (၄၅၇၅)ဧက စိုက်ပျိုးရိတ်သိမ်းခဲ့ပြီး အထွက်တင်းပေါင်း(၃၇၆၄၃၁)တင်း၊ နွားထိုးကြီးမြို့နယ်တွင် (၁၁၉၁၃)ဧက စိုက်ပျိုးရိတ်သိမ်းခဲ့ပြီး အထွက်တင်းပေါင်း(၇၀၄၆၁၃)တင်း အသီးသီးထွက်ရှိကြောင်း သိရှိရသည်။
ယခုထွက်ရှိသော မိုးစပါး(မနောသုခ)တစ်တင်းလျှင် ဒေသပေါက်ဈေး(၂၁၀၀၀)ကျပ်မှ (၂၂၀၀၀) ကျပ်ထိရှိပြီး၊ ဆန်(၂၄)ပြီတစ်အိတ်လျှင် (၈၀၀၀၀)ကျပ်မှ(၈၅၀၀၀)ကျပ်ထိ ဒေသတွင်းရောင်းဝယ်လျက် ရှိကြောင်း စပါးစိုက်ပျိုးသည့် တောင်သူတစ်ဦးထံမှ သိရှိရသည်။
DOCA(မန္တလေး)