မန်ကျည်းသီးမှည့်ထွက်ရှိရာဒေသများဖြစ်ကြသည့် ကျောက်ပန်းတောင်း၊ ရမည်းသင်း၊ ပျော်ဘွယ်၊ မြင်းခြံမြို့နယ်များမှ ထွက်ရှိကြသည်။ မန်ကျည်းသီးအမှည့်(အသစ်)များ မန္တလေးမြို့ အနယ်နယ်အရပ်ရပ်ရှိ ဈေးကလေးများသို့ ဝင်ရောက်လျက်ရှိသည်။ မန်ကျည်းသီးအမှည့်များမှာ တပို့တွဲလဆန်းမှ တပေါင်းလအထိ ဝင်ရောက်လျက်ရှိသည်။ မန်ကျည်းပင်များသည် နှစ်ရှည် သီးပင်များဖြစ်ကြပြီး နွေမှာထနောင်း ဆောင်းမှာမန်ကျည်းဆိုသကဲ့သို့ အရိပ်ရသည့် အပင်မျိုး လည်းဖြစ်သည်။ မန်ကျည်းသီးအမှည့်များမှာ ယခင်နှစ်က တစ်ပိဿာလျှင်(၇၀၀၀/၈၀၀၀)အထိ သာရှိပြီး ယခုနှစ်တွင် တစ်ပိဿာလျှင်(၁၃၀၀၀)၊ (၂၅)ကျပ်သားလျှင် (၄၀၀၀)ကျပ်ဈေးတို့ဖြင့် အရောင်းအဝယ်ဖြစ်လျက်ရှိပြီး ယခင်နှစ် မန်ကျည်းသီး(ဟောင်း)မှာ တစ်ပိဿာလျှင်(၁၀၀၀၀) ကျပ်၊ (၂၅)ကျပ်သားလျှင်(၃၅၀၀)ကျပ်တို့ဖြင့် ရောင်းချကြောင်း မန်ကျည်းသီးမှည့် ရောင်းချသူများထံမှ သိရှိရသည်။
DOCA(မန္တလေး)