စားသုံးသူရေးရာဦးစီးဌာန၊ မွန်ပြည်နယ်၊ ပေါင်မြို့နယ်တာဝန်ခံနှင့် ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မီးသတ်ဦးစီးဌာန၊ မြို့နယ်ရဲတပ်ဖွဲ့ဝင်တို့ ပူးပေါင်း၍ (၂၃.၅.၂၀၂၂) ရက်နေ့တွင် ပေါင်မြို့နယ်၊ ကဒါရပ်ကွက်၊ မင်းလမ်း ဝဲ/ယာရှိ စားသောက်ဆိုင်များ၊ ကုန်စုံဆိုင်များနှင့် စတိုးဆိုင်များအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။
ထိုသို့ ဈေးကွက်စောင့်ကြည့်စစ်ဆေးခြင်းဆောင်ရွက်ရာတွင် ဆိုင်များ၌ ရောင်းချနေသော ထုတ်ကုန်ပစ္စည်းများမှာ စားသုံးသူဘေးအန္တရာယ်ကင်းရှင်းမှု ရှိ/မရှိ၊ စားသုံးရန် သင့်/မသင့်၊ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြပါရှိသော ထုတ်ကုန်များ ရောင်းချခြင်း ရှိ/မရှိတို့အား စစ်ဆေးခဲ့ပြီး စားသုံးသူအကာအကွယ်ပေးရေး ဥပဒေပါ အချက်အလက်များအား သိရှိနားလည်လိုက်နာစေရန် အသိပညာပေးခြင်းနှင့် ဘေးအန္တရာယ်ကင်းရှင်းသော ကုန်စည်များကိုသာ ရောင်းချရန်နှင့် သက်တမ်းလွန်ကုန်စည်များအား ရောင်းချခြင်းမပြုရန် အသိပညာပေးခြင်းများ ဆောင်ရွက်ခဲ့ကြောင်း သိရှိရပါသည်။
DOCA(မွန်)